1 Kɔrɛntinyɛje 4:19 - Dɔnɔn kə̂ Siki: Tar kə̂ aw arə təbbə

¹⁹ Əbbə-dəwje ndiki a, mâ kaw rɔse tə̂ mbɔr ang. M-tee a, mâ koo tarje ləde kə̂ daw paje ddəm mâ koo nɛ̂n kə̂ dasəje ta dda ddəm.

1 Kɔrɛntinyɛje 4:19 ပူးပေါင်းရင်းမြစ်များ

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 20:2

N̂-nday nangə tə̂ kə̂ Maseduwann n̂-ndəjə njê-mə-kunnje nya karə dinga singa ngaâ naw Gerɛsə.

Rɔmɛnje 15:32

Yeenn bba bbo Lubba ndiki a, mâ tee rɔse tə̂ kə rɔ-nəəl ngaâ mâ kuwa rɔm rɔse tə̂ ngaji.

1 Kɔrɛntinyɛje 11:34

Tokə bbo dda dəw a, maji karə nusa nɛ̂n kəy laa. Baann bba bbo ə-mbɔnje naan a, sariya lə Lubba a to dɔse tə̂ ang. Bbo m-tee horose tə̂ a, mâ gɔl kəsə tarje bbay.

1 Kɔrɛntinyɛje 14:5

M-ndiki karə sese tɔyn ə-paje tar kə ndɔn-tarje kə̂ dəw gərə ang le njaa. A m-ndiki nya karə ilaje mbər tar lə Lubba. Mba dəw kə̂ aw ila mbər tar lə Lubba arə njê-marɛ̂je â ngəng uta dəw kə̂ aw pa tar kə ndɔn-tarje kə̂ dəw gərə ang. Baann ang a, maji kar marə dəw ndaji tar kə̂ dəw aw pa kə ndɔn-tar kə̂ dang le bba a kuman Egilisi.

1 Kɔrɛntinyɛje 16:5

Mâ kaw bbe ləse kə ddəw kə̂ Maseduwann mba mâ nday dɔ nangə tə̂ kə̂ Maseduwann le.

1 Kɔrɛntinyɛje 16:7

M-ndiki ta koose a nday to nday ang. Bbo Əbbə-dəwje ndiki a, munda məm ta nayn kə se ngaji.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

1 Kɔrɛntinyɛje 4:18

Marə dəwje horose tə̂ ooje rɔde bo mba dəjəje to mâ tee horose tə̂ ang.

1 Kɔrɛntinyɛje 4:6

Ngakɔnʼmje, mba tar ləse â munn nɛ̂n nɛ̂n-kɔju-marɛ̂ dɔm tə̂ kə dɔ Apolos tə̂, ta karə ə-gərəje nɛ̂n gəl kɔn-tar nəənn: «Nɛ̂n kə̂ n̂-dda makəturu tə̂ njaa maji ta nayn dɔɛ tə̂». Baann bba karə dəw kâra horose tə̂ unda gue ngaâ unn go marə dəw mbətə nɛ̂n marɛ̂ ang.

2 Kɔrɛntinyɛje 1:23

Kəm Lubba tə̂, m-pa tar kə̂ tɔkɔrɔ marəse. Bbo mərə ngəm a, narə moy kə ddang. M-təl maw Kɔrɛntə ang, mba m-ndiki ta kula kəmse ndoo tə̂ ang.

2 Kɔrɛntinyɛje 10:9

M-ndiki karə oomje to dəw kə̂ aw ula bbəəl məse tə̂ ddəw makəturuje tə̂ kə̂ maw mula nɛ̂n marəse le ang.

Ebərəje 6:3

Jinya nɛ̂njeenn a jawje kə kete. Bbo Lubba ndiki a, ja ddaje tokə baann.

Jakə 4:15

Maji karə ə-paje tar tokə be: «Bbo Əbbə-dəwje ndiki a, ja naynje kəm baa ngaâ ja ddaje nɛ̂n kə̂ tokə be, nɛ̂n kə̂ tokə be.»