1 Kɔrɛntinyɛje 4:15 - Dɔnɔn kə̂ Siki: Tar kə̂ aw arə təbbə

¹⁵ Mba le eeje kə dəwje doro dɔku kə̂ aw tɔjuse ddəw lə Kristə njaa kara, bɔsese kâra baa. Əman â mujuse ddəw tə̂ lə Jeju-Kristə kə̂ mila mbər Tar kə̂ Maji laa marəse.

1 Kɔrɛntinyɛje 4:15 ပူးပေါင်းရင်းမြစ်များ

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 15:1

Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:14

Ddəw kâra baa, Əbbə-dəwje unn ndu tokə baann tɔ. N̂-pa nan, dəwje kə̂ aw ilaje mbər Tar kə̂ Maji a kisije kə majɛ̂ ddəwe tə̂.

1 Kɔrɛntinyɛje 9:16

A əman, kila mbər Tar kə̂ Maji to nɛ̂n-kɔsu nɛ̂n gajim ang. Mba to kula kə̂ darəm kə singa ta karə m-dda, yeenn a bbo mila mbər Tar kə̂ Maji le ang a, a to ndoo nya karəm.

1 Kɔrɛntinyɛje 9:18

Kuka ləm to ddi wa? Kuka ləm to karə mila mbər Tar kə̂ Maji le baa bbo m-duju kuka kə̂ to ta karə minga goe tə̂ ang.

1 Kɔrɛntinyɛje 9:23

Maw dda nɛ̂njeenn tɔyn ɔju dɔ Tar kə̂ Maji, mba kinga nɛ̂n nɛ̂n kə̂ maji kə̂ a ddee ddəwe tə̂.

2 Kɔrɛntinyɛje 4:5

Jeje njaa jaw jila mbər tar ləje ang. Jeju-Kristə kə̂ to Əbbə-dəwje â jaw jila mbər tar laa. Jaw dda rɔje to njê-kulaje ləse ɔju dɔ Jeju.

Galatəje 3:24

Yeenn a, Ndu to nje-kaa dɔje ndərəng ndɔ ddee tə̂ lə Kristə, bba karə mə-kunn le dda arə n-ddeeje gatə gatə kəm Lubba tə̂.

Galatəje 3:25

A kar kə̂ tar mə-kunn le tee, jee kɔ nje-kaa dɔje tə̂ le ang ngaa.

Galatəje 4:19

Ngannəm, maw moo ndoo tokə siki mba tar ləse tokə dɛnɛ̂n kə̂ aw nduru ndo, mâ koo ndoo le ndərəng ndɔ kə̂ kisi ləse a to tokə lə Kristə.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Pilemɔn 1:19

Əman Pɔl njaa m-dda tar nəənn makəturu tə̂ kə jim: Əman njaa mâ kuka. Əi njaa kara ə-gərə to təbbə ləi nayn to bbangə ləm dɔi tə̂.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.