1 Kɔrɛntinyɛje 4:14 - Dɔnɔn kə̂ Siki: Tar kə̂ aw arə təbbə

¹⁴ M-dda nɛ̂nje nəənn makəturu tə̂ mba ndəjə nɛ̂n se tokə lə ngannəm kə̂ m-ndikide, bbo m-dda mba kila nɛ̂n rɔ-kul kəmse tə̂ ang.

1 Kɔrɛntinyɛje 4:14 ပူးပေါင်းရင်းမြစ်များ

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 4:15

Mba le eeje kə dəwje doro dɔku kə̂ aw tɔjuse ddəw lə Kristə njaa kara, bɔsese kâra baa. Əman â mujuse ddəw tə̂ lə Jeju-Kristə kə̂ mila mbər Tar kə̂ Maji laa marəse.

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

1 Kɔrɛntinyɛje 6:5

M-pa baann karə rɔ-kul ddase. Marə dəw kə̂ nje-kəm-karɛ kə̂ a gangə sariya horo ngakɔɛ̂nje tə̂ njaa goto wa?

1 Kɔrɛntinyɛje 9:15

A əman, masə dujuse nɛ̂n njaa, a m-dda baann ang. M-dda makəturu nəənn mba duju nɛ̂n nɛ̂n le ang. Koy ləm maji uta karə m-duju nɛ̂n jise tə̂. Yeenn to nɛ̂n kə̂ maw mɔsu nɛ̂n gajim ngaâ dəw kə̂ asə ta kɔru nɛ̂ɛnn le kə ddang goto.

2 Kɔrɛntinyɛje 11:11

M-pa tar baann mba ddi wa? Mba to ndiki â m-ndikise ang wa? Lubba gərə to m-ndikise.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

2 Kɔrɛntinyɛje 7:3

M-pa yeenn ta gangə nɛ̂n sariya dɔse tə̂ ang, mba m-pa marəse mban: N-ndikise nya, le n-nayn kəm baa wase joy kara n-ndikise nya.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

2 Tesalonisinyɛje 3:14

Bbo marə dəw mbətə ta dda nɛ̂n kə turu ndu kə̂ jarəse makəturu tə̂ nəənn a, ɛɛ̂je kə majɛ̂, ə-ddaje saa mə-kâra ang arəje rɔɛ̂ wul.

Pilemɔn 1:10

M-wali nya mba Onejim. N̂-ddee to ngonnəm mə kəy-kula tə̂ nəənn.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.

3 Jan 1:4

Bbo maw moo tar dɔ ngannəm tə̂ kə̂ aw njaje ddəw tar tə̂ kə̂ tɔkɔrɔ a, marə nɛ̂n kə̂ a karəm rɔ-nəəl kuta yeenn goto.