1 Kɔrɛntinyɛje 3:23 - Dɔnɔn kə̂ Siki: Tar kə̂ aw arə təbbə

²³ A sese, ə-toje to ənga Kristə ngaâ Kristə to ənga Lubba.

1 Kɔrɛntinyɛje 3:23 ပူးပေါင်းရင်းမြစ်များ

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Tar kə̂ Maji kə̂ Jan dda makəturu tə̂ 17:18

Dede le, mulade duninya tə̂ tɔ tokə əi ulam duninya tə̂ le.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Rɔmɛnje 14:8

Bbo jaw jisije kəm baa a, jaw jisije kəm baa mba Əbbə-dəwje. Le joyje njaa kara, joyje mba Əbbə-dəwje. Yeenn a, le jisije kəm baa wase joyje njaa kara n-toje to ənga Əbbə-dəwje.

1 Kɔrɛntinyɛje 11:3

A m-ndiki karə ə-gərəje tar nəənn tɔ. Nje-kɔn dɔ dingaw â to Kristə, nje-kɔn dɔ dɛnɛ̂n to dingaw, a Lubba â to nje-kɔn dɔ Kristə.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 15:28

Bbo nɛ̂n tɔyn ddee kɔ gɔl Kristə tə̂ le mban a, Ngonn le a təl kɔ gɔl Lubba tə̂. Baann bba Lubba a kɔn dɔ nɛ̂nje tɔyn tɔyn.

1 Kɔrɛntinyɛje 7:22

Mba dəw kə̂ to bbərə bba Əbbə-dəwje bbarɛ̂ ddee to dəw lə Əbbə-dəwje kə̂ tee kɔ bbərə tə̂. Ddəw kâra baa, dəw kə̂ to bbərə ang bba Əbbə-dəwje bbarɛ̂ ddee to bbərə lə Kristə.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.