1 Kɔrɛntinyɛje 3:18 - Dɔnɔn kə̂ Siki: Tar kə̂ aw arə təbbə

¹⁸ Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 3:18 ပူးပေါင်းရင်းမြစ်များ

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 18:4

Dəw kə̂ dda rɔɛ̂ tɛn tokə ngonn nəənn to dəw kə̂ bo mə Bbe-kɔn tə̂ kə̂ darâ.

Marke 10:15

Tɔkɔrɔ njaa m-pa marəse, dəw kə̂ taa Bbe-kɔn lə Lubba tokə lə ngonn ang, a kandə tə̂ ndɔ kâra ang.»

Luku 18:17

Tɔkɔrɔ, m-pa marəse: Dəw kə̂ taa Bbe-kɔn lə Lubba kə rɔɛ̂ tə̂ tokə ngonn-kasə ang a, a kandə tə̂ ang.»

Luku 21:8

Jeju ila tə̂ nan: «Aaje rɔse, arəje dəw ərəse ang, mba dəwje nya a ddeeje kə rim ngaâ dâ paje nan: ‹Əman â m-to Kristə le.› Marɛ̂je a paje nan: ‹Ndɔ nayn ngɔsi baa ngaa.› Unnje gode ang.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

1 Kɔrɛntinyɛje 15:33

Ərəje rɔse ang: «Dəw kə̂ uwa go nje-nɛ̂n-dda kə̂ maji ang, a ddee to nje-nɛ̂n-dda kə̂ maji ang tɔ.»

1 Kɔrɛntinyɛje 3:17

Bbo dəw tuju kəy-polo Lubba a, Lubba a tuju dəw le. Mba kəy-polo Lubba maji tɔyn. Sese â ə-toje to kəy-polo Lubba le.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Galatəje 6:7

Ərəje rɔse ang: Dəw asə koko Lubba ang, nɛ̂n kə̂ dəw dubbu a, a kuja kandɛ̂.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Jakə 1:22

Ərəje rɔse ang. Ə-ddaje kula kə tar lə Lubba bbo ooje kə mbise baa ang.

Jakə 1:26

Bbo marə dəw oo rɔɛ̂ to nje-polo Lubba, â bbo n̂-ngəm tɛɛ̂ ang a, naw nərə rɔɛ̂, polo Lubba laa to nɛ̂n kə̂ baa.

1 Jan 1:8

Bbo n-paje nan n-ddaje majang ang a, jeje njaa jaw jərəje rɔje ngaâ tar kə̂ tɔkɔrɔ to məje tə̂ ang.