1 Kɔrɛntinyɛje 2:14 - Dɔnɔn kə̂ Siki: Tar kə̂ aw arə təbbə

¹⁴ Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

1 Kɔrɛntinyɛje 2:14 ပူးပေါင်းရင်းမြစ်များ

Matiye 16:23

A Jeju turu rɔɛ̂ ngaâ pa arə Piyɛr le nan: «Ɔtu gom tə̂ kə ddang, Satan! A ta dda karə moso, mba kəjə ləi to kəjə lə Lubba ang, to kəjə lə dəw.»

Tar kə̂ Maji kə̂ Jan dda makəturu tə̂ 10:20

Marɛ̂je nya horode tə̂ paje nan: «Ndil kə̂ maji ang isi məɛ̂ tə̂. Wooy ddɛɛ̂. Aw ooje tar laa mba ddi wa?»

Tar kə̂ Maji kə̂ Jan dda makəturu tə̂ 12:37

Jeju dda nɛ̂n-mɔrije nya njaa kəm dəwje tə̂ le, a dooje məde tə̂ saa ang.

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Tar kə̂ Maji kə̂ Jan dda makəturu tə̂ 8:43

Ə-gərəje kandə tar kə̂ maw pa marəse nəənn ang mba ddi wa? Mba asəje ta koo tar ləm ang.

Kulaje 16:14

Marə dɛnɛ̂n le kâra to dəw kə̂ Tiyatir, ria nan Lidi. N̂-to nje-labbə kubbu kə̂ kasɛ kə̂ narɛ̂ ngəng ngaâ naw polo Lubba. Noo tarje kə̂ jaw pa ngaâ Əbbə-dəwje unda məɛ̂ arə n̂-tuka mbia noo nɛ̂n tarje kə̂ Pɔl aw pa le.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Kulaje 18:15

A tar le to mayn naan tar dɔ nɛ̂n-tɔju tə̂, tar rije kə Ndu ləse njaa. Yeenn oose sese njaa. M-ndiki ta to nje-gangə sariya tarje kə̂ baann ang.»

Kulaje 25:19

Bbayɛ̂ njaa to tar kə̂ n̂-maynje naan dɔ ddəw kə̂ ta polo nɛ̂n Lubba le njaa kə dɔ marə dingaw tə̂ kə̂ ria nan Jeju kə̂ oy mban, a Pɔl aw pa nan nisi kəm baa.

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 1:25

Mba nɛ̂n lə Lubba kə̂ tokə nɛ̂n-mbəjeenn le to kəm-karɛ kə̂ bo nya uta kəm-karɛ lə dəwje. Nɛ̂n lə Lubba kə̂ tokə nɛ̂n kə̂ singɛ̂ gotojeenn le ubba singa uta singa lə dəwje.

1 Kɔrɛntinyɛje 15:44

Rɔ kə̂ n̂-dubbu le to rɔ dəw kə̂ baa. A rɔ kə̂ a ndol le to rɔ kə̂ Ndil lə Lubba arɛ̂ təbbə. Bbo rɔ kə̂ to rɔ dəw baa to a, yeenn pa nan rɔ kə̂ Ndil arɛ̂ təbbə to tɔ.

1 Kɔrɛntinyɛje 15:46

A ne kə̂ n̂-to dəw-ndil le â n̂-ddee dɔngɔr ang. Ne kə̂ n̂-to dəw kə̂ baa â n̂-ddee dɔngɔr. Goe tə̂ bba dəw-ndil le ddee.

1 Kɔrɛntinyɛje 2:12

Jeje, ndil kə duninya tə̂ nəənn â jingaje ang, Ndil kə̂ in rɔ Lubba tə̂ â jingaje. Baann bba ja gərəje nɛ̂n kə̂ Lubba arəje ddəw mə-maji tə̂ laa.

1 Kɔrɛntinyɛje 3:1

Əman, ngakɔnʼmje, m-pa tar marəse tokə lə dəwje kə̂ Ndil-mə-nda goto məde tə̂. M-pa tar marəse tokə dəwje kə̂ baa, tokə lə dəwje kə̂ unnje məde arə Kristə kə̂ sangəje ang bbay.

Jakə 3:15

Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

1 Jan 2:20

A sese, Ndil-mə-nda kə̂ Kristə arəse le isi məse tə̂ arə sese tɔyn ə-gərəje tar kə̂ tɔkɔrɔ.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Judə 1:19

Dede le njaa daw ddaje darə dəwje aw tinje naan. Kəjə ləde to kəjə nɛ̂n kə̂ dɔ nangə tə̂ ngaâ Ndil lə Lubba isi məde tə̂ ang.