1 Kɔrɛntinyɛje 16:19 - Dɔnɔn kə̂ Siki: Tar kə̂ aw arə təbbə

¹⁹ Njê-mə-kunnje kə̂ Aji ddase lapiya. Akilas de kə Pirisil kə njê-mə-kunnje kə̂ aw mbɔnje naan mə kəy tə̂ ləde n̂-ddase lapiya kə ri Əbbə-dəwje.

1 Kɔrɛntinyɛje 16:19 ပူးပေါင်းရင်းမြစ်များ

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 18:18

Pɔl nayn ndɔ banya ngaji Kɔrɛntə bba inya njê-mə-kunnje ngaâ unn to təl nangə tə̂ kə̂ Siri. Ne de kə Pirisil kə Akilas. Kete bba ta kaw a, narə n̂-ngisa dɔɛ̂ bbe tə̂ kə̂ Sankere, mba nunn ndue.

Kulaje 18:2

Ninga marə Jiipi kə̂ ria nan Akilas lo tə̂ənn. Duje nangə tə̂ kə̂ Pɔn. Akilas de kə dɛnɛ̂n laa Pirisil dinje Itali bba n̂-ddeeje, mba tɔkə mbay Kolodə unn ndu karə Jiipije tɔyn ɔtuje Rɔm kə ddang. Pɔl aw rɔ Akilas de kə Pirisil tə̂ le.

Kulaje 18:26

Naw pa tar mə kəy mbɔn-naan tə̂ lə Jiipije kə bbəəl ang. Go tar tə̂ laa tɔyn kə̂ Pirisil kə Akilas dooje a, n̂-bbarɛ̂je kə rɔde tə̂ ngaâ n̂-təl n̂-tɔjɛ̂je tar kə̂ tɔkɔrɔ kə̂ dɔ ddəw lə Lubba tə̂ le kə majɛ̂ uta ye kə̂ kete.

Kulaje 19:10

Nɛ̂ɛnn le to tokə baann ndərəng bbal joo arə dəwje kə̂ Aji, Jiipije kə Gɛrɛkəje ooje tar lə Əbbə-dəwje.

Kulaje 2:9

Jeje kə̂ jinje nangə tə̂ kə̂ Partə, Mɛdə kə Elam, dəwje kə̂ Mejopotami, dəwje kə̂ Jude, kə̂ Kapados, kə̂ Pɔn, kə̂ Aji,

Rɔmɛnje 16:15

Ə-ddaje lapiya Pilologə, Juli kə Nere de kə kɔn-nannɛ̂ kə Olɛmpas kə njê-mə-kunnje tɔyn kə̂ isije kə de.

Kolosinyɛje 4:15

Maji karə ə-ddaje lapiya ngakɔnje kə̂ Lawodise, ə-ddaje lapiya Nɛnpa kə̂ njê-mə-kunnje aw mbɔnje naan mə kəy tə̂ laa.

2 Timɔte 4:19

Ə-dda lapiya Pirisika de kə Akilas arəm, ə-dda lapiya njê kə̂ kəy lə Onejipɔr arəm tɔ.

Pilemɔn 1:2

jula nɛ̂n jarə kɔn-nannje Apiya kə Arəsipə kə̂ to nje-buwa-ddɔ ləje kə njê-mə-kunnje kə̂ aw mbɔnje naan mə kəy tə̂ ləi tɔ.

1 Piyɛr 1:1

Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»