1 Kɔrɛntinyɛje 15:54 - Dɔnɔn kə̂ Siki: Tar kə̂ aw arə təbbə

⁵⁴ Ndɔ kə̂ rɔ kə̂ a tuju le turu to rɔ kə̂ a tuju ang ngaâ rɔ kə̂ a koy le turu to rɔ kə̂ a koy ang a, tar kə̂ makəturu tə̂ lə Lubba a ddee to nɛ̂n kə̂ tɔkɔrɔ. Tar le nan: «N̂-tuju yo kə ddang ngaa, to ndɔ tətə ddɔ kə bo.»

1 Kɔrɛntinyɛje 15:54 ပူးပေါင်းရင်းမြစ်များ

Luku 20:36

Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.

Rɔmɛnje 1:23

Dinyaje ta polo Lubba kə̂ asə piti kə ndɔ kə ndɔ, a kɔrje kə̂ n̂-dda darə unn da-rɔ dəwje kə̂ a toje kə ndɔ kə ndɔ ang kə əəlje kə daje kə̂ gɔlde sɔ kə nɛ̂nje kə̂ aw akəje â n̂-polojede.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 6:12

Yeenn a, arəje majang ɔn dɔ rɔse kə̂ a ta koy marə ndɔ le ang ngaa. Yeenn bba, â ddaje nɛ̂n ddəw bbo tə̂ kə̂ da-rɔse tə̂ le ang.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

2 Kɔrɛntinyɛje 4:11

Mba jeje kə̂ n-naynje kəm baa le jaw ngɔsi ngɔsi kə yo kə ndɔ tɔyn ɔju dɔ Jeju. Baann bba karə dəwje ooje təbbə lə Jeju rɔje tə̂ kə̂ to rɔ kə̂ a koy marə ndɔ le.

2 Kɔrɛntinyɛje 5:4

Mba, kar tə̂ kə̂ n-naynje mə da-rɔ tə̂ nəənn kə̂ to kəy-kam bbay le, jaw sɔmje tokə nɛ̂n-koto â aw ɔɔyje nya. A n-ndiki ta kɔru da-rɔje kə̂ nangə̂ nəənn le kə ddang ang. N-ndiki ta kula marɛ̂ dɔɛ tə̂, karə təbbə taa turu nɛ̂n kə̂ a ta koy to koy le.

2 Tesalonisinyɛje 1:10

Nɛ̂ɛnn le a to kar tə̂ kə̂ nâ ddee nɛ̂n karə dəwje laa walɛ̂je, karə dəwje kə̂ ooje məde tə̂ saa ɛɛ̂je kə koko. Sese kara â keeje horode tə̂ tɔ, mba ooje məse tə̂ kə tar kə̂ n-pa jarəse le.

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.

Apokalisi 21:4

Nâ bɔru maann-nɔn tɔyn kəmde tə̂. Yo a goto ngaa. Ndoo, əkii kə nɛ̂n kəm-to-ndoo a gotoje, mba nɛ̂nje kə̂ ləw ndayje mban.»