26 Yo a to dɔbɔyn nje-baan kə̂ nâ tuje.
Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.
«Yo, singai kə̂ aw tɔl nɛ̂n dəwje le ee dda wa? Yo, nɛ̂n kə̂ aw tɔl nɛ̂n dəwje le ee dda wa?»
N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.
Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,
Ba-katə tee kə niinn dəwje kə̂ nayn məɛ̂ tə̂. Ngaâ yo kə lo lə dəwje kə̂ oyje teeje kə̂ niinn dəwje kə̂ toje məɛ̂ tə̂ arə n̂-gangə sariya dɔde tə̂ kâra kâra asə kəm kula-ddade.
Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.
Nâ bɔru maann-nɔn tɔyn kəmde tə̂. Yo a goto ngaa. Ndoo, əkii kə nɛ̂n kəm-to-ndoo a gotoje, mba nɛ̂nje kə̂ ləw ndayje mban.»