1 Kɔrɛntinyɛje 15:10 - Dɔnɔn kə̂ Siki: Tar kə̂ aw arə təbbə

¹⁰ A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 15:10 ပူးပေါင်းရင်းမြစ်များ

Matiye 10:20

Mba, sese njaa â paje tar le ang, Ndil lə Bɔsese â a kunda tar le tase tə̂ karə ə-paje.

Matiye 25:16

Dəw kə̂ inga kandə narɛ kɔr min le aw labbə nɛ̂n nɛ̂n ngaâ inga kandə narɛ kɔr min dɔɛ̂ tə̂ tɔ.

Rɔmɛnje 11:1

M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 15:11

Yeenn a, le to əman wase marə njê-kaw-kulaje kara, nɛ̂ɛnn â jila mbəre. Nɛ̂ɛnn â ooje nɛ̂n məse tə̂.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 3:5

Jeje njaa jasə ta dda kula nəənn le ang. Lubba â dda arə jasə ta dda kula kə̂ jaw dda le.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 2:8

Mba Lubba kə̂ dda Piyɛr to nje-kaw-kula lə Jiipije le ddam to nje-kaw-kula lə dəwje kə̂ toje to Jiipije ang tɔ.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

1 Tesalonisinyɛje 5:12

Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.