1 Kɔrɛntinyɛje 14:6 - Dɔnɔn kə̂ Siki: Tar kə̂ aw arə təbbə

⁶ Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.

1 Kɔrɛntinyɛje 14:6 ပူးပေါင်းရင်းမြစ်များ

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Matiye 16:26

Bbo dəw inga nɛ̂n kə̂ duninya tə̂ nəənn tɔyn, a bbo təbbə laa nayn kə kɔrɔ̂ a, ddi kə̂ maji â nâ kinga goe tə̂ wa? Ddi â nâ karə mba taa nɛ̂n təbbə laa le wa?

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

Rɔmɛnje 16:17

Ngakɔnʼmje, nɛ̂n kə̂ mâ dujuse â nəənn: Aaje rɔse rɔ dəwje tə̂ kə̂ aw ddaje arə njê-mə-kunnje aw tinje naan. Dâ paje tar kə̂ to dang kə nɛ̂n-tɔju kə̂ n-tɔjuse ngaâ dâ ddaje karə njê-mə-kunnje osoje mə majang tə̂. Aynjede,

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

1 Kɔrɛntinyɛje 14:1

To tar ləse ta sangə ddəw nya mba ndiki njê-marəseje. To tar ləse ta dda bbo gusu kulaje lə Ndil, uta tɔyn gusu kila mbər tar lə Lubba.

1 Kɔrɛntinyɛje 14:7

Junnje nɛ̂n-kɔju-marɛ̂ dɔ nɛ̂n-kəmje tə̂ kə̂ kɔrɛ̂ aw bbar tokə kɔl mbula wase kəm konde. Bbo kɔru nɛ̂njeenn bbarje ddəw kâra baa a, ja kayn horode tokə baânn wa?

2 Kɔrɛntinyɛje 11:6

M-gərə ta pa tar karə kura ang njaa. A nɛ̂n kə̂ ɔju dɔ nɛ̂n-gərə, tarɛ̂ to dang. N-tɔjuse nɛ̂n-gərə le ddaka baa mə nɛ̂nje tə̂ tɔyn.

2 Kɔrɛntinyɛje 12:1

To tar ləm ta kunda gum wa? Yeenn to marə nɛ̂n kâra ang njaa. A bbasinɛn mâ pa tar nɛ̂nje kə̂ moo tokə lə ninjeenn kə tar nɛ̂nje kə̂ Əbbə-dəwje tɔju kə ddaka arə moo.

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 3:4

Aw turaje makəturu nəənn a, â kasəje ta gərə to nɛ̂nje lə Kristə kə̂ naynje lo-kiyɛ̂ tə̂ le m-gərə nya.

Pilipinyɛje 3:15

Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.

2 Timɔte 2:14

Maji karə ole mə dəwje dɔ nɛ̂nje tə̂ənn tɔyn. Ə-dujude kəm Lubba tə̂ karə n̂-mbətəje ta kɔl naan dɔ marə kandə tarje tə̂. Kɔl dda marə nɛ̂n kâra arə dəw ang, kɔl aw tuju dəwje kə̂ aw tukaje mbide aw ooje.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

2 Timɔte 3:16

Tar tɔyn kə̂ n̂-dda Makəturu tə̂ le in rɔ Lubba tə̂ ngaâ Makəturu le to mba tɔju dəwje tar kə̂ tɔkɔrɔ, mba karə dəw gərə majang laa, mba gɔl pa-nja lə dəw karə to kə dannâ, mba tɔju dəw ddəw kə̂ gatə gatə.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

2 Piyɛr 1:5

Mba yeenn bba, maji karə ə-ddaje singa mba kila nɛ̂n-dda kə̂ maji dɔ mə-kunn tə̂ ləse. Nɛ̂n-dda kə̂ maji le, ilaje nɛ̂n-gərə dɔɛ tə̂.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.