Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrɛntinyɛje 14:4 - Dɔnɔn kə̂ Siki: Tar kə̂ aw arə təbbə

4 Dəw kə̂ aw pa tar kə ndɔn-tarje kə̂ dəw gərə ang dda arə mə-kunn laa njaa sangə. A dəw kə̂ aw ila mbər tar lə Lubba dda arə njê-mə-kunnje tɔyn sangəje.

အခန်းကိုကြည့်ပါ။ ကော်ပီ




1 Kɔrɛntinyɛje 14:4
12 ပူးပေါင်းရင်းမြစ်များ  

Nɛ̂n kə̂ dâ gərə nɛ̂n dəwje kə̂ a kooje məde tə̂ â nəənn: Dâ tubbaje ndilje kə̂ maji ang kə rim, dâ paje ndɔn-tarje kə̂ siki.


Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.


Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.


Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.


Bbo maw pa tar kə ndɔn-tarje kə̂ dəwje aw paje wase anjəje aw paje ngaâ ndiki goto məm tə̂ a, m-to tokə dalɛ kə̂ aw bbar baa wase gan sambe kə̂ daw tunda.


Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.


Ddəw kâra baa, sese ə-ndikije nya ta kinga gusuje lə Ndil. Yeenn a, maji karə ə-sangəje gusuje kə̂ a kasəje ta dda karə Egilisi ubba singa.


Yeenn a, pa tar kə ndɔn-tarje kə̂ dang to nɛ̂n kə̂ aw tɔju marə nɛ̂n mba dəwje kə̂ ooje məde tə̂ ang, bbo to mba dəwje kə̂ ooje məde tə̂ mban ang. Mbər-tar lə Lubba to nɛ̂n kə̂ aw tɔju marə nɛ̂n mba dəwje kə̂ ooje məde tə̂ mban, bbo to mba dəwje kə̂ ooje məde tə̂ ang bbay ang.


Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.


A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.


M-ndiki karə sese tɔyn ə-paje tar kə ndɔn-tarje kə̂ dəw gərə ang le njaa. A m-ndiki nya karə ilaje mbər tar lə Lubba. Mba dəw kə̂ aw ila mbər tar lə Lubba arə njê-marɛ̂je â ngəng uta dəw kə̂ aw pa tar kə ndɔn-tarje kə̂ dəw gərə ang. Baann ang a, maji kar marə dəw ndaji tar kə̂ dəw aw pa kə ndɔn-tar kə̂ dang le bba a kuman Egilisi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ