1 Kɔrɛntinyɛje 14:37 - Dɔnɔn kə̂ Siki: Tar kə̂ aw arə təbbə

³⁷ Bbo marə dəw oo rɔɛ̂ to nje-kila mbər tar lə Lubba wase oo to Ndil tɔjɛ̂ marə nɛ̂n a, maji karə n̂-gərə to tar kə̂ makəturu tə̂ kə̂ maw dda marəse nəənn to ndu kə̂ Əbbəjeje â unn.

1 Kɔrɛntinyɛje 14:37 ပူးပေါင်းရင်းမြစ်များ

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 14:29

Nɛ̂n kə̂ ɔju dɔ kila mbər tar lə Lubba, maji karə dəwje joo wase mota paje tar. A kəseje isaje tar le ooje.

1 Kɔrɛntinyɛje 14:36

Wase, əjəje to tar lə Lubba le unn kute bbe ləse wa? Wase sese kə karəse baa njaa tar le tee bbe ləse wa?

1 Kɔrɛntinyɛje 14:38

 bbo marə dəw gərə to ndu nəənn to ndu lə Əbbə-dəwje ang a, Lubba a gərə dəw le ang tɔ.

1 Kɔrɛntinyɛje 2:15

A dəw kə̂ Ndil lə Lubba to rɔɛ̂ tə̂ gərə gəl nɛ̂nje tɔyn. A ne, dəw kə̂ nje-gərə gəle goto.

1 Kɔrɛntinyɛje 3:1

Əman, ngakɔnʼmje, m-pa tar marəse tokə lə dəwje kə̂ Ndil-mə-nda goto məde tə̂. M-pa tar marəse tokə dəwje kə̂ baa, tokə lə dəwje kə̂ unnje məde arə Kristə kə̂ sangəje ang bbay.

1 Kɔrɛntinyɛje 7:25

Dɛnɛ̂nje kə̂ gərəje ngaw ang kə dingawje kə̂ gərəje dɛnɛ̂n ang, Əbbə-dəwje arəm ndu mbade ang. Tar kə̂ məm tə̂ njaa maw pa nəənn, əman kə̂ ddəw maji tə̂ kə̂ Əbbə-dəwje dda səm, dəwje a kasəje ta kundaje məde dɔm tə̂.

1 Kɔrɛntinyɛje 7:40

A kə̂ kəjə tə̂ ləm, bbo n̂-taa ngaw ang a, nâ kisi kə rɔ-nəəl nya uta. Əman njaa kara məjə to Ndil lə Lubba to rɔm tə̂ tɔ.

1 Kɔrɛntinyɛje 8:2

Dəw kə̂ əjə to n̂-gərə nɛ̂n, n̂-nayn n̂-gərə nɛ̂n tɔyn ang bbay.

2 Kɔrɛntinyɛje 10:12

Mba marə dəwje ooje rɔde bo nya. A ja tay sangə mba kasə kə de naan ang ddəm ta kunn rɔje kɔju nɛ̂n de ang ddəm. Dede njaa dunnje nɛ̂n dɔju nɛ̂n rɔde ngaâ dede njaa dunn rɔde dɔju nɛ̂n kəsə dəwje. N̂-toje to mbəje.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 4:6

A Jeje, n-toje to ənga Lubba. Dəw kə̂ gərə Lubba aw oo tar ləje. Dəw kə̂ to ənga Lubba ang a koo tar ləje ang. Ddəw nɛ̂n tə̂ kə̂ baann bba ja gərəje nɛ̂n Ndil tar kə̂ tɔkɔrɔ kə ndil tar kə̂ tɔkɔrɔ ang.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.