1 Kɔrɛntinyɛje 14:27 - Dɔnɔn kə̂ Siki: Tar kə̂ aw arə təbbə

²⁷ Bbo marə dəwje ndikije ta pa ndɔn-tarje kə̂ dang a, maji karə dəwje joo wase motajeenn be â paje tar le go naan tə̂. A maji karə marɛ̂ ndaji kandə tar le.

1 Kɔrɛntinyɛje 14:27 ပူးပေါင်းရင်းမြစ်များ

1 Kɔrɛntinyɛje 12:10

Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 14:13

Yeenn bba, maji karə dəw kə̂ aw pa ndɔn-tar kə̂ dəw gərə ang duju Lubba mba kinga gusu ndaji nɛ̂n kandə tar le.

1 Kɔrɛntinyɛje 14:2

Dəw kə̂ aw pa tar kə ndɔn-tarje kə̂ dəw gərə ang, pa tar le arə Lubba bbo n̂-pa narə dəwje ang. Mba dəw kâra oo kandə tar laa le ang. Naw pa nɛ̂nje kə̂ to lo-kiyɛ̂ tə̂ ddəw tə̂ lə Ndil-mə-nda.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 14:28

Bbo nje-ndaji kandə tar le goto a, maji karə ngakɔnje kə̂ a ta pa tar kə ndɔn-tarje kə̂ dang le utuje tade lo mbɔn-naan tə̂ le. Maji karə n̂-paje tar le məde tə̂ ngaâ n̂-paje tar le darəje Lubba.

1 Kɔrɛntinyɛje 14:5

M-ndiki karə sese tɔyn ə-paje tar kə ndɔn-tarje kə̂ dəw gərə ang le njaa. A m-ndiki nya karə ilaje mbər tar lə Lubba. Mba dəw kə̂ aw ila mbər tar lə Lubba arə njê-marɛ̂je â ngəng uta dəw kə̂ aw pa tar kə ndɔn-tarje kə̂ dəw gərə ang. Baann ang a, maji kar marə dəw ndaji tar kə̂ dəw aw pa kə ndɔn-tar kə̂ dang le bba a kuman Egilisi.