1 Kɔrɛntinyɛje 14:26 - Dɔnɔn kə̂ Siki: Tar kə̂ aw arə təbbə

²⁶ Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 14:26 ပူးပေါင်းရင်းမြစ်များ

Rɔmɛnje 1:13

Ngakɔnʼmje, m-ndiki ta karə ə-gərəje to m-gɔl məm tə̂ gɔl banya nya ta kaw rɔse tə̂. A minga ddəw ang ndərəng bbokənɛn. M-ndiki karə kula ləm dda arə ə-sangəje nya bbe ləse, tokə kula ləm kə̂ dda arə kəsə gəl-dəwje sangəje le.

Rɔmɛnje 12:7

Dəw kə̂ Lubba arɛ̂ gusu karə uman dəwje a, maji karə numande. Dəw kə̂ Lubba arɛ̂ gusu karə n̂-tɔju nɛ̂n dəwje a, maji karə n̂-tɔju nɛ̂n dəwje.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 15:2

Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

1 Kɔrɛntinyɛje 14:15

Yeenn a, ddi â mâ dda wa? Mâ duju Lubba kə ndilim, a mâ duju Lubba kə nɛ̂n-gərə ləm tɔ. Mâ kɔsu pa kə ndilim, a mâ kusa pa kə nɛ̂n-gərə ləm tɔ.

1 Kɔrɛntinyɛje 14:2

Dəw kə̂ aw pa tar kə ndɔn-tarje kə̂ dəw gərə ang, pa tar le arə Lubba bbo n̂-pa narə dəwje ang. Mba dəw kâra oo kandə tar laa le ang. Naw pa nɛ̂nje kə̂ to lo-kiyɛ̂ tə̂ ddəw tə̂ lə Ndil-mə-nda.

1 Kɔrɛntinyɛje 14:27

Bbo marə dəwje ndikije ta pa ndɔn-tarje kə̂ dang a, maji karə dəwje joo wase motajeenn be â paje tar le go naan tə̂. A maji karə marɛ̂ ndaji kandə tar le.

1 Kɔrɛntinyɛje 14:40

A maji karə ə-ddaje nɛ̂nje kə majɛ̂ ddəm kə dɔgɔlɛ̂ ddəm.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

2 Kɔrɛntinyɛje 13:10

Mba yeenn bba, kar kə̂ m-goto horose tə̂ le, m-dda makəturu nəənn marəse, bba karə bbo m-tee horose tə̂ a, m-pa tar kə singa singa kə se ang ngaa. Mba Əbbə-dəwje arəm singa ta dda karə ubbaje singa bbo ta tujuse ang.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Epɛjinyɛje 5:19

Maji karə ɔsuje pa wal Lubba, pa piti Lubba kə paje kə̂ Ndil tɔjuse. Ɔsuje pa ə-ndɔije nɛ̂n ri Əbbə-dəwje kə məse tɔyn.

1 Tesalonisinyɛje 5:11

Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.