1 Kɔrɛntinyɛje 14:16 - Dɔnɔn kə̂ Siki: Tar kə̂ aw arə təbbə

¹⁶ Bbo aw duju Lubba mba karə nɛ̂n wooyo kə ndili a, dəw kə̂ oo ndɔn-tar kə̂ aw pa le ang le a pa nan «Amɛnn» mba duju ləi le tɔkə baânn wa? Mba ne n̂-gərə kandə tar kə̂ aw pa le ang.

1 Kɔrɛntinyɛje 14:16 ပူးပေါင်းရင်းမြစ်များ

Matiye 15:36

N̂-jin mapa kə̂ siri kə kanjije le, narə wooyo Lubba ngaâ n̂-tətə narə njê-njaje goe tə̂ ngaâ njê-njaje goe tə̂ arəje dəwje kə̂ banya le.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Tar kə̂ Maji kə̂ Jan dda makəturu tə̂ 21:25

Jeju dda marə nɛ̂nje nya bbay. Bbo n̂-dda nɛ̂njeenn tɔyn kə goe goe Makəturu tə̂ a, məjə to dɔ nangə tə̂ nəənn tɔyn njaa lo a kasə ta kungu makəturuje le tə̂ ang.

Tar kə̂ Maji kə̂ Jan dda makəturu tə̂ 7:15

Nɛ̂n-tɔju laa le dum dɔ njê-kɔnje dɔ Jiipije ngaâ paje nan: «Dəw nəənn ndo makəturu ang, a n̂-gərə nɛ̂nje nəənn nya be tokə baânn wa?»

Kulaje 4:13

Njê-gangəje sariya lə Jiipije ooje Piyɛr de kə Jan kə̂ n̂-toje to dəwje kə̂ baa ddəm dəwje kə̂ gərəje makəturu ang ddəm kə̂ aw paje tar kə bbəəl ang le a, dɔde ayn. A n̂-gɔnje n̂-gərəje tɔ to n̂-toje to njê-buwa-njaje lə Jeju.»

1 Kɔrɛntinyɛje 11:24

narə wooyo Lubba, goe tə̂ a, n̂-tətə mapa le ngaâ n̂-pa nan: «Nɛ̂n nəənn to da-rɔm kə̂ munn marə mbase. Maji karə ə-ddaje nɛ̂n nəənn mba kole nɛ̂n məse dɔm tə̂.»

1 Kɔrɛntinyɛje 14:14

Bbo maw duju Lubba kə ndɔn-tar kə̂ dang a, ndilim â aw duju Lubba. A nɛ̂n-gərə ləm dda nɛ̂n kâra ang.

1 Kɔrɛntinyɛje 14:2

Dəw kə̂ aw pa tar kə ndɔn-tarje kə̂ dəw gərə ang, pa tar le arə Lubba bbo n̂-pa narə dəwje ang. Mba dəw kâra oo kandə tar laa le ang. Naw pa nɛ̂nje kə̂ to lo-kiyɛ̂ tə̂ ddəw tə̂ lə Ndil-mə-nda.

1 Kɔrɛntinyɛje 16:24

M-ndikise tɔyn ddəw mə-kâra tə̂ kə̂ n-ddaje kə Jeju-Kristə.

2 Kɔrɛntinyɛje 1:20

Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 5:14

Nɛ̂nje kə̂ sɔ kə̂ toje kəm baa le paje nan: «Amɛnn!» A tɔkəje le ɔsuje məkəjə-gɔlde nangə̂ ngaâ poloje ne kə̂ nisi ngende-mbay tə̂ le ddəm Ngonn batə le ddəm.

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»