1 Kɔrɛntinyɛje 14:15 - Dɔnɔn kə̂ Siki: Tar kə̂ aw arə təbbə

¹⁵ Yeenn a, ddi â mâ dda wa? Mâ duju Lubba kə ndilim, a mâ duju Lubba kə nɛ̂n-gərə ləm tɔ. Mâ kɔsu pa kə ndilim, a mâ kusa pa kə nɛ̂n-gərə ləm tɔ.

1 Kɔrɛntinyɛje 14:15 ပူးပေါင်းရင်းမြစ်များ

Kulaje 21:22

Ddi â ja dda wa? A du ang, dâ kooje nan ee nəənn.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 8:31

Ja paje nan ddi bbay wa? Bbo Lubba ee kə je a, nân njaa a kasə ta mbətəje wa?

1 Kɔrɛntinyɛje 10:19

Yeenn mâ ta pa nan ddi wa? Da kə̂ n̂-polo nɛ̂n kɔr to marə nɛ̂n wase kɔr to marə nɛ̂n wa?

1 Kɔrɛntinyɛje 14:14

Bbo maw duju Lubba kə ndɔn-tar kə̂ dang a, ndilim â aw duju Lubba. A nɛ̂n-gərə ləm dda nɛ̂n kâra ang.

1 Kɔrɛntinyɛje 14:19

A bbo mar nɔn njê-mə-kunnje tə̂ a, m-ndiki nya ta pa kandə tar min kə ndɔn-tar kə̂ dəwje gərəje uta ye kə̂ ta pa kandə tar doro dɔku kə ndɔn-tarje kə̂ dəwje gərəje ang. Baann bba mâ tɔju nɛ̂n kəsə dəwje.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 1:18

Yeenn dda nɛ̂n ang. Le daw tɔjuje tar lə Kristə le kə̂ kəjə kə̂ maji ang wase ddəw tar tə̂ kə̂ tɔkɔrɔ ang njaa kara nayn to dila mbər tar lə Kristə darə dəwje mban, minga rɔ-nəəl ddəwe tə̂. Rɔm a nəələm nya ddəwe tə̂ kə ləw.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

Jakə 5:13

Bbo marə dəw horose tə̂ aw oo ndoo a, maji karə n̂-duju Lubba. A bbo marɛ̂ isi kə rɔ-nəəl a, maji karə nɔsu pa n̂-wal nɛ̂n Lubba.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.