1 Kɔrɛntinyɛje 14:1 - Dɔnɔn kə̂ Siki: Tar kə̂ aw arə təbbə

¹ To tar ləse ta sangə ddəw nya mba ndiki njê-marəseje. To tar ləse ta dda bbo gusu kulaje lə Ndil, uta tɔyn gusu kila mbər tar lə Lubba.

1 Kɔrɛntinyɛje 14:1 ပူးပေါင်းရင်းမြစ်များ

Rɔmɛnje 12:6

Lubba arəje gusuje dang dang ddəw mə-maji tə̂ laa kə̂ n̂-dda kə je. Dəw kə̂ Lubba arɛ̂ gusu karə ila nɛ̂n mbər tar lə Lubba a, maji karə dda kula laa le ddəw mə-kunn tə̂.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

1 Kɔrɛntinyɛje 12:1

Ngakɔnʼmje, m-ndiki karə ə-gərəje tar dɔ gusuje tə̂ kə̂ Ndil-mə-nda aw arə dəwje le kə majɛ̂.

1 Kɔrɛntinyɛje 12:31

Yeenn a, arəje bbo kinga gusuje kə̂ maji nya uta kəseje ddase. A bbasinɛn, mâ tɔjuse marə ddəw kə̂ maji uta kəseje tɔyn.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

1 Kɔrɛntinyɛje 13:2

Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.

1 Kɔrɛntinyɛje 14:22

Yeenn a, pa tar kə ndɔn-tarje kə̂ dang to nɛ̂n kə̂ aw tɔju marə nɛ̂n mba dəwje kə̂ ooje məde tə̂ ang, bbo to mba dəwje kə̂ ooje məde tə̂ mban ang. Mbər-tar lə Lubba to nɛ̂n kə̂ aw tɔju marə nɛ̂n mba dəwje kə̂ ooje məde tə̂ mban, bbo to mba dəwje kə̂ ooje məde tə̂ ang bbay ang.

1 Kɔrɛntinyɛje 14:37

Bbo marə dəw oo rɔɛ̂ to nje-kila mbər tar lə Lubba wase oo to Ndil tɔjɛ̂ marə nɛ̂n a, maji karə n̂-gərə to tar kə̂ makəturu tə̂ kə̂ maw dda marəse nəənn to ndu kə̂ Əbbəjeje â unn.

1 Kɔrɛntinyɛje 14:39

Yeenn a, ngakɔnʼmje, maji karə ə-sangəje ddəw ta kila mbər tar lə Lubba, a ɔkuje ddəw karə dəwje paje tar kə ndɔn-tarje kə̂ dang ang.

1 Kɔrɛntinyɛje 16:14

Ə-ddaje nɛ̂n tɔyn ddəw ndiki tə̂.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

1 Tesalonisinyɛje 5:20

Maji karə ə-mbətəje mbər tarje lə Lubba kə̂ daw dila le ang.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

2 Piyɛr 1:7

ngəm-rɔ mba Lubba le, ilaje ndiki naan tokə ngakɔn-naan njaa dɔɛ̂ tə̂. Ndiki naan tokə ngakɔn-naan le, ilaje ndiki dəwje tɔyn dɔɛ̂ tə̂.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.