1 Kɔrɛntinyɛje 12:13 - Dɔnɔn kə̂ Siki: Tar kə̂ aw arə təbbə

¹³ Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 12:13 ပူးပေါင်းရင်းမြစ်များ

Matiye 3:11

Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

Luku 3:16

Nilade tə̂ tɔyn nan: «Əman, m-ddase batɛm maann. A marə dəw kə̂ utam, kə̂ mâ kasə tutu kula nɛ̂n-gɔl laa ang aw ddee. Ne â nâ ddase batɛm Ndil-mə-nda kə batɛm puru.

Tar kə̂ Maji kə̂ Jan dda makəturu tə̂ 1:16

Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.

Tar kə̂ Maji kə̂ Jan dda makəturu tə̂ 1:33

Əman, m-gəre ang. A Lubba kə̂ ulam karə m-dda dəwje batɛm maann â pa arəm nan: A koo dəw kə̂ Ndil a ddee kisi dɔɛ̂ tə̂. Ne â nâ dda dəwje batɛm Ndil-mə-nda.

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Kulaje 1:5

Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:29

Bbo baann ang a, Lubba a to Lubba lə Jiipije kə karəde baa wa? N̂-to Lubba lə kəsə dəwje tɔ,

Rɔmɛnje 4:11

Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

1 Kɔrɛntinyɛje 10:2

Kajejedede le tɔyn ingaje batɛm mə mum tə̂ ddəm mə ba-katə tə̂ ddəm ddəw mə-kâra tə̂ kə̂ n̂-ddaje kə Mɔyijə.

Galatəje 3:23

Kete bba karə tar mə-kunn tee le, jee kɔ Ndu tə̂ tokə dəwje kə̂ eeje kəy-kula tə̂ ta nginan nɛ̂n kar kə̂ Lubba a tee nɛ̂n kə tar mə-kunn kə ddaka.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Epɛjinyɛje 4:5

Əbbə-dəwje kâra baa, mə-kunn kâra baa, batɛm kâra baa.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Epɛjinyɛje 6:8

Ə-gərəje kə majɛ̂: Dəw kə̂ to bbərə wase dəw kə̂ to bbərə ang kara a kinga kuka ji Əbbə-dəwje tə̂ asə kəm maji laa kə̂ n̂-dda.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.