Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrɛntinyɛje 12:12 - Dɔnɔn kə̂ Siki: Tar kə̂ aw arə təbbə

12 Junnje nɛ̂n-kɔju-marɛ̂. Da-rɔ dəw kâra baa, a barkəm-rɔ dəw â banya. Barkəm-rɔ kə̂ dang dang le mbɔnje naan ngaâ toje kâra baa. Nɛ̂ɛnn to ddəw kâra baa kə Kristə.

အခန်းကိုကြည့်ပါ။ ကော်ပီ




1 Kɔrɛntinyɛje 12:12
16 ပူးပေါင်းရင်းမြစ်များ  

Mapa kə̂ kâra baa tɔju to jeje tɔyn da-rɔje kâra baa, mba jeje tɔyn â jusaje mapa kə̂ kâra baa le.


Yeenn a, barkəm-rɔ banya nya, a da-rɔ kâra baa.


A sese, ə-toje to da-rɔ Kristə ngaâ sese kâra kâra tɔyn ə-toje to barkəm-rɔɛ̂.


Ndil aw dda kula mə dəwje tə̂ kâra kâra ddəw gusu tə̂ mba kisi maji lə dəwje tɔyn.


Abaraham kə Ngokɛɛ̂ â Lubba unn ndue ta karəde nɛ̂nje. Makəturu lə Lubba pa nan: «Ngakɛɛ̂» ang. Lubba unn ndue le arə dəwje kə̂ banya ang. Makəturu le nan: «Ngokɛɛ̂.» Yeenn pa nan nunn ndue le narə dəw kâra baa kə̂ to Kristə.


Egilisi le to da-rɔ Kristə ngaâ Kristə ddusu Egilisi tɔyn ngaâ Lubba ddusu Kristə tɔyn.


N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.


Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.


Mba dingaw â to dɔ dɛnɛ̂n tokə Kristə to dɔ Egilisi. Kristə le â aji Egilisi kə̂ to da-rɔɛ̂ le.


Ne â n̂-to dɔ Egilisi kə̂ to da-rɔɛ̂. N̂-to kunn-kutu nɛ̂n, n̂-to dɔngɔr dəw kə̂ oy, a ndol, baann bba nâ kuta dəwje tɔyn ngaâ nâ kuta nɛ̂nje tɔyn.


Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.


Dinyaje ta nayn kə Kristə kə̂ to tokə dɔ dəw le. Dɔ â aw dda arə da-rɔ tɔyn mbɔn naan to kâra baa. Ddəw tə̂ le dɔ â, mbara-rɔje kə mənrə-rɔje uwaje naan ngaâ ubbaje singa tokə ye kə̂ Lubba ndiki.


Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ