1 Kɔrɛntinyɛje 12:10 - Dɔnɔn kə̂ Siki: Tar kə̂ aw arə təbbə

¹⁰ Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 12:10 ပူးပေါင်းရင်းမြစ်များ

Marke 16:17

Nɛ̂n kə̂ dâ gərə nɛ̂n dəwje kə̂ a kooje məde tə̂ â nəənn: Dâ tubbaje ndilje kə̂ maji ang kə rim, dâ paje ndɔn-tarje kə̂ siki.

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Luku 24:49

Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 19:6

Pɔl ila jia dɔde tə̂ ngaâ Ndil-mə-nda ddee dɔde tə̂. N̂-paje tar kə ndɔn-tarje kə̂ dang dang ngaâ dilaje mbər tar lə Lubba.

Kulaje 5:3

A Piyɛr pa nan: «Ananiyas, mba ddi bba inya arə Satan andə məi tə̂ wa? Ɔru dəbbə narɛ ndɔɔ ləi le ə-ngəm to ləi, a ə-pa tar ngəm arə Ndil-mə-nda.

Rɔmɛnje 12:6

Lubba arəje gusuje dang dang ddəw mə-maji tə̂ laa kə̂ n̂-dda kə je. Dəw kə̂ Lubba arɛ̂ gusu karə ila nɛ̂n mbər tar lə Lubba a, maji karə dda kula laa le ddəw mə-kunn tə̂.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

1 Kɔrɛntinyɛje 11:4

Bbo dingaw tɔ dɔɛ̂ bba aw duju Lubba wase aw ila mbər tar kə̂ ta Lubba tə̂ a, yeenn to rɔ-kul â nila kəm Kristə tə̂.

1 Kɔrɛntinyɛje 13:8

Ndiki a goto ndɔ kâra ang, a kila mbər tarje lə Lubba a goto. Gusu pa tar kə ndɔn-tarje kə̂ dəw gərə ang a goto, gusu nɛ̂n-gərə a goto.

1 Kɔrɛntinyɛje 14:13

Yeenn bba, maji karə dəw kə̂ aw pa ndɔn-tar kə̂ dəw gərə ang duju Lubba mba kinga gusu ndaji nɛ̂n kandə tar le.

1 Kɔrɛntinyɛje 14:39

Yeenn a, ngakɔnʼmje, maji karə ə-sangəje ddəw ta kila mbər tar lə Lubba, a ɔkuje ddəw karə dəwje paje tar kə ndɔn-tarje kə̂ dang ang.

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

1 Tesalonisinyɛje 5:20

Maji karə ə-mbətəje mbər tarje lə Lubba kə̂ daw dila le ang.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Apokalisi 2:2

M-gərə kula-ddai, ndoo kə̂ aw oo kə wuri kə̂ aw tɔ. M-gərə to â kasə ta tɔ wuri dɔ njê-mə-majangje tə̂ ang. Dəwje kə̂ aw ddaje rɔde to njê-kaw-kulaje le, ə-nande oo, a n̂-toje to njê-kaw-kulaje ang ngaâ ə-tee kə gəl ngəm ləde kə ddaka.