23 Nɛ̂n kə̂ moo ta Əbbəmje tə̂ ngaâ m-tɔjuse â nəənn: Əbbə-dəwje Jeju unn mapa tile tə̂ kə̂ n̂-labbɛ̂ nɛ̂n le,
Dɔngɔr ndɔ kusu mapa kə̂ n̂-dda kə wum ang le, njê-njaje go Jeju tə̂ ddee dujeje nan: «Lo kə̂ dda bba ə-ndiki karə jaw dda muru Pakə kə tə̂ jari wa?»
«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»
Jeju ilɛ̂ tə̂ nan: «Tɔkɔrɔ, m-pa mari, til tə̂ nəənn njaa, kete bba karə kuran nɔn, â pa nan ə-gərəm ang, gɔl mota.»
Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»
Nunn maann-binyə kə̂ əngo tə̂, narə wooyo Lubba ngaâ n̂-pa nan: «Ə-taaje maann-binyə kə̂ əngo tə̂ nəənn ə-kaynje naan ayje.
N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.
Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?
Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.
Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.
Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.
Mba ə-gərəje nduje kə̂ Əbbə-dəwje Jeju arə n-pa jarəse mban.