1 Kɔrɛntinyɛje 10:23 - Dɔnɔn kə̂ Siki: Tar kə̂ aw arə təbbə

²³ Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 10:23 ပူးပေါင်းရင်းမြစ်များ

Rɔmɛnje 14:15

Bbo ə-dda arə rɔ ngokɔin nəəle ang mba nɛ̂n kə̂ naw nusa a, yeenn tɔju to aw dda nɛ̂n ddəw ndiki tə̂ ang ngaa. Maji karə ə-dda arə ngokɔin kə̂ Kristə oy mba tar laa tuju mba nɛ̂n-kusa ang.

1 Kɔrɛntinyɛje 14:12

Ddəw kâra baa, sese ə-ndikije nya ta kinga gusuje lə Ndil. Yeenn a, maji karə ə-sangəje gusuje kə̂ a kasəje ta dda karə Egilisi ubba singa.

1 Kɔrɛntinyɛje 14:17

Tɔkɔrɔ aw arə wooyo Lubba kə majɛ̂ njaa. A nje-mari ubba singa ddəwe tə̂ ang.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 6:12

Marə dəwje paje nan: «Ddəw ɔru arəm karə m-dda nɛ̂n tɔyn.» Tɔkɔrɔ njaa, a nɛ̂nje tɔyn maji to maji dɔrɔ ang. «Ddəw ɔru arəm karə m-dda nɛ̂n tɔyn.» A əman, mâ təl to bbərə lə marə nɛ̂n kâra ang.

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

1 Kɔrɛntinyɛje 8:9

Aaje kə majɛ̂ nan â karəje nɛ̂n kə̂ aw ddaje kə mə-ndiki ləse njaa le dda arə dəwje kə̂ sangəje ang bbay osoje.

2 Kɔrɛntinyɛje 12:19

Aw əjəje ləw baa to jaw ko rɔje nɔnse tə̂ wa? Baann ang. Kəm Lubba tə̂, ddəw tə̂ lə Kristə â jaw pa tar nəənn. See ngakɔnje kə̂ n-ndikise nya, jaw pa tarje nəənn tɔyn jarəse bba karə mə-kunn ləse ubba singa.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

1 Tesalonisinyɛje 5:11

Yeenn bba, maji karə ə-ndəjəje naan, ə-ddaje arəje njê-marəse ubbaje singa ddəw kâra baa tokə aw ddaje mban le.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.