Maji karə n-ddaje makəturu julaje jarəde karə dusaje nɛ̂n kə̂ n̂-polo nɛ̂n kɔr ang, mba to nɛ̂n-yərəw, n̂-ddaje kaya ang, dɔnje da kə̂ dute kəwn bba n̂-tɔlɛ̂ ang, dusaje məsə ang.
Maji karə ə-poloje kɔr tokə marɛ̂je horode tə̂ ddaje le ang. Ddəw kâra baa tokə Makəturu lə Lubba pa nan: «Dəwje isije nangə̂ mba kusa nɛ̂n, mba kay nɛ̂n. Goe tə̂ a, dinje tar mba ndam.»
Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.
See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.
Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.