1 Kɔrɛntinyɛje 10:13 - Dɔnɔn kə̂ Siki: Tar kə̂ aw arə təbbə

¹³ Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

1 Kɔrɛntinyɛje 10:13 ပူးပေါင်းရင်းမြစ်များ

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 11:4

Ɔru tar majang ləje dɔje tə̂, mba jeje kara jaw jɔru tar dɔ dəwje tə̂ kə̂ ddaje majang kə je tɔ. Inya arə marə nɛ̂n nanje ang.› »

Luku 16:26

Dɔɛ tə̂ənn bbay, marə tɔkə buwa to horoje tə̂ kə sese, mba karə dəwje kə̂ ndikije ta kin nəənn kaw kə rɔse tə̂, asəje ta kaw ang ddəm mba karə dəw asə ta kin rɔse tə̂ nu ddee kə rɔje tə̂ ang ddəm.›

Luku 22:46

N̂-pa narəde nan: «Mba ddi bba aw tibbije wa? Inje taar, ə-dujuje Lubba, mba karə osoje mə nɛ̂n-nan tə̂ ang.»

Kulaje 27:44

Kəsə dəwje a naanje kar kakəje tə̂ kə gaji tɔkə to tə̂ kə̂ guru le mba kɔru gode. N-dda tokə baann ngaâ jeje tɔyn n̂-tee ddaka kə majɛ̂.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

2 Kɔrɛntinyɛje 1:10

Ne â n̂-tee kə je ta yo tə̂ arə nâ təl tee kə je ta yo tə̂ kə̂ baann bbay. Baann njaa, junda məje dɔɛ̂ tə̂ to nâ tee kə je tɛɛ tə̂ bbay.

1 Tesalonisinyɛje 5:24

Ne kə̂ n̂-bbarse le naw dda nɛ̂n kə turu ndue. Ne â nâ dda nɛ̂njeenn.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Ebərəje 10:23

Maji karə nɛ̂n kə̂ jundaje məje dɔɛ̂ tə̂ ngaâ jaw paje tarɛ̂ kə ddaka le jinyaje ddəwe ang. Mba Lubba kə̂ unn ndue le aw turu ndue ndɔ kâra ang.

Ebərəje 11:11

Ddəw mə-kunn tə̂ tɔ â Sara kə̂ aw katə ngaâ bbalɛ̂ nday nya arə asə kuju ang ngaa inga ddəw uju ngonn, mba n̂-gərə to Lubba kə̂ unn ndue arɛ̂ le aw turu ndue ang.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Piyɛr 4:19

Yeenn a, maji karə dəwje kə̂ aw ooje ndoo mba nɛ̂n kə̂ Lubba ndiki kə̂ daw ddaje le inyaje rɔde mə ji Nje-dda nɛ̂nje tə̂ tɔyn, kə̂ asə karə dəw unda məɛ̂ dɔɛ̂ tə̂ ngaâ ta n̂-ddaje nɛ̂n kə̂ maji kə ndɔ tɔyn.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

1 Jan 1:9

Bbo n-paje tar majang ləje kə ddaka a, Lubba le a kɔru tar majang ləje dɔje tə̂ ngaâ nâ toko kula-ddaje kə̂ maji ang tɔyn, mba naw turu ndue ang ddəm n̂-to gatə gatə ddəm.

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.