1 Kɔrɛntinyɛje 1:20 - Dɔnɔn kə̂ Siki: Tar kə̂ aw arə təbbə

²⁰ Nje-kəm-karɛ to dda wa? Nje-gərə-Ndu to dda wa? Nje-nɛ̂n-gərə kə̂ bbasinɛn nəənn to dda wa? Lubba dda arə kəm-karɛ kə̂ duninya tə̂ nəənn təl to nɛ̂n-mbə.

1 Kɔrɛntinyɛje 1:20 ပူးပေါင်းရင်းမြစ်များ

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Rɔmɛnje 1:20

Marə nɛ̂nje lə Lubba kə̂ dəw oo ang toje. Nɛ̂nje tokə singa-mɔngu laa kə̂ to kə ndɔ kə ndɔ kə kisi laa kə̂ nisi to Lubba le dəwje aw ooje ləw baa, kunn-kute tə̂ kə̂ Lubba dda duninya. Nɛ̂njeenn, dəwje aw ooje ddəw nɛ̂nje tə̂ kə̂ n̂-dda ngaâ n̂-gərəje kə majɛ̂. Mba yeenn bba, Lubba a kɔru tar dɔ dəwje tə̂ ang.

Rɔmɛnje 1:22

Dooje rɔde to njê-kəm-karɛje, a kə̂ tɔkɔrɔ, n̂-toje to njê-wooyje.

1 Kɔrɛntinyɛje 1:19

Mba Makəturu lə Lubba pa nan: «Mâ tuju kəm-karɛ lə njê-kəm-karɛje, mâ dda karə nɛ̂n-gərə lə njê-nɛ̂n-gərəje təl to nɛ̂n kə̂ baa.»

1 Kɔrɛntinyɛje 1:26

Ngakɔnʼmje, sese njaa aaje rɔse ooje, sese kə̂ Lubba bbarse: Kə̂ kəm dəwje tə̂, njê-kəm-karɛje wase dəwje kə̂ ngəng wase dəwje kə̂ gəlde ngəng banyaje horose tə̂ ang.

1 Kɔrɛntinyɛje 1:27

A Lubba unn nɛ̂n kə̂ to nɛ̂n-mbə duninya tə̂ mba kila nɛ̂n rɔ-kul kəm njê-nɛ̂n-gərəje tə̂. Lubba unn nɛ̂n kə̂ singɛ̂ goto kəm dəwje tə̂ mba kila nɛ̂n rɔ-kul kəm njê-singaje tə̂.

1 Kɔrɛntinyɛje 1:28

Nɛ̂n kə̂ dɔ nangə tə̂ kə̂ dəwje ooje to nɛ̂n kə̂ ture goto, nɛ̂n kə̂ to nɛ̂n ang, nɛ̂n kə̂ dəwje mbətəje bba Lubba unn mba tuju nɛ̂n nɛ̂n kə̂ ngəng.

1 Kɔrɛntinyɛje 11:32

A Əbbə-dəwje gangə sariya dɔje tə̂ ngaâ tɔjuje ddəw. Yeenn bba nâ kunda tar dɔje tə̂ ddəw kâra baa kə dəwje kə̂ duninya tə̂ nəənn ang.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

1 Kɔrɛntinyɛje 2:8

Dəw kâra horo njê-kɔn-bbeje tə̂ kə̂ nangə̂ nəənn gərə kəm-karɛ le ang. Bbo n̂-gərəje kəm-karɛ le a, dâ tɔlje Əbbə-dəwje kə̂ piti to laa le kakə-dəsə tə̂ ang.

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

1 Kɔrɛntinyɛje 6:2

Ə-gərəje to njê-mə-kunnje a gangəje sariya dɔ dəwje tə̂ kə̂ duninya tə̂ nəənn ang wa? Bbo sese â, â gangəje sariya dɔ dəwje tə̂ kə̂ duninya tə̂ nəənn a, asəje ta gangə sariya ngann tarje kə̂ ture goto tɔ ang wa?

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.