1 Kɔrɛntinyɛje 1:17 - Dɔnɔn kə̂ Siki: Tar kə̂ aw arə təbbə

¹⁷ Mba Kristə ulam karə m-dda dəwje batɛm ang. Nulam karə mila mbər Tar kə̂ Maji, a karə munn tar kəm-karɛ lə dəwje mila nɛ̂n mbər Tar kə̂ Maji le ang. Baann bba koy lə Kristə dɔ kakə-dəsə tə̂ a təl to nɛ̂n kə̂ baa ang.

1 Kɔrɛntinyɛje 1:17 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 4:1

Parijinyɛje ooje nan Jeju aw dda dəwje nya to njê-njaje goe tə̂ ngaâ naw dda dəwje batɛm nya nuta Jan.

Tar kə̂ Maji kə̂ Jan dda makəturu tə̂ 4:2

A kə̂ tɔkɔrɔ tə̂, Jeju njaa dda dəw batɛm ang. Njê-njaje goe tə̂ â aw ddaje dəwje batɛm.

Kulaje 10:48

Piyɛr le arə ddəw karə n̂-ddade batɛm kə ri Jeju-Kristə ngaâ dəwje le dujuje Piyɛr le karə dda ndɔ rɔde tə̂ ngaji bbay.

1 Kɔrɛntinyɛje 2:1

Ngakɔnʼmje, ndɔ tə̂ kə̂ m-tee nɛ̂n rɔse tə̂ mba kila mbər tar nɛ̂n kə̂ Lubba ndiki ta dda kə̂ nayn lo-kiyɛ̂ tə̂ bbay le, tarje kə̂ toje to ngɔɛ̂ ngɔɛ̂ wase tar kəm-karɛ â mila nɛ̂n mbər le marəse ang.

1 Kɔrɛntinyɛje 2:13

Yeenn a, jaw junn tar kəm-karɛ lə dəwje bba jaw pa nɛ̂n tarɛ̂ ang. Jaw pa tarɛ̂ ddəw tar tə̂ kə̂ Ndil lə Lubba tɔjuje.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 10:10

Mba marə dəwje paje nan: Makəturuje lə Pɔl ngəng nya ddəm mɔngu nya ddəm. Â bbo ne njaa kə da-rɔɛ̂ nisi horoje tə̂ a, singɛ̂ goto ddəm turu tar kə̂ naw pa goto ddəm.

2 Kɔrɛntinyɛje 11:6

M-gərə ta pa tar karə kura ang njaa. A nɛ̂n kə̂ ɔju dɔ nɛ̂n-gərə, tarɛ̂ to dang. N-tɔjuse nɛ̂n-gərə le ddaka baa mə nɛ̂nje tə̂ tɔyn.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Piyɛr 1:16

Kar tə̂ kə̂ n-tɔjuse tar ddee kə̂ Əbbəjeje Jeju-Kristə a ddee kə singa-mɔngu le, jar dɔ tarje tə̂ kə̂ kura kura kə̂ dəwje əjəje kə dɔde baa bba n-tɔju nɛ̂n se ang. Joo tɔkə-mbangə laa kə kəmje njaa.