رُؤْيَا يُوحَنَّا ٱللَّاهُوتِيِّ 9:18 - العهد الجديد باللهجة الجزائرية

¹⁸ من هاد التَلت ضَربات، نْقَتلو تَلت بْني آدَم، من النار، الدُخّان، والكَبريت اللي خَرجو من فُم العْواد.

رُؤْيَا يُوحَنَّا ٱللَّاهُوتِيِّ 9:18 ပူးပေါင်းရင်းမြစ်များ

رُؤْيَا يُوحَنَّا ٱللَّاهُوتِيِّ 8:10

بَوَّق المْلاك التالَت بالبوق، وطاحَت من السْما نَجمة كْبيرة تَحرَق كي المَشعَل، وطاحَت على تَلت الويدان وعْناصَر الما،

رُؤْيَا يُوحَنَّا ٱللَّاهُوتِيِّ 8:11

آسَم النَجمة يْقولولو العَلقَم. وتَلت الما وَلاّ كي العَلقَم، وماتو بَزّاف الناس على جال هاد الما، خاطَر وَلاّ مُر.

رُؤْيَا يُوحَنَّا ٱللَّاهُوتِيِّ 8:12

وبَوَّق المْلاك الرابَع بالبوق، وتَلت الشَمس نَضرَب، وتَلت القْمَر وتَلت النْجوم حَتّى التَلت منهُم ضْلام وتَلت النْهار ما وَلاّش يْضَوّي والليل كيف كيف.

رُؤْيَا يُوحَنَّا ٱللَّاهُوتِيِّ 8:7

كي بَوَّق الأوّلاني بالبوق، تَبروري ونار مْخَلّطين بالدَم أتَّرماو على الأرض، وتَلت الأرض نَحرَق وتَلت السْجَر نَحرَق وكامَل الحْشيش الأخضَر نَحرَق.

رُؤْيَا يُوحَنَّا ٱللَّاهُوتِيِّ 8:8

وكي بَوَّق المْلاك التاني بالبوق، كي اللي جْبَل كْبير نَحرَق بالنار وأتَّرما فالبْحَر وتَلت البْحَر وَلاّ دَم،

رُؤْيَا يُوحَنَّا ٱللَّاهُوتِيِّ 8:9

وماتو تَلت الخْلايَق اللي عايشين فالبْحَر، وتَلت البابورات تْكَسّرو.

رُؤْيَا يُوحَنَّا ٱللَّاهُوتِيِّ 9:15

ونْطَلقو المَلايكة الرَبعة اللي كانو واجدين للساعة واليوم والشْهَر والعام باش يُقُّتلو تَلت بْني آدَم.

رُؤْيَا يُوحَنَّا ٱللَّاهُوتِيِّ 9:17

هَكدا شَفت عْواد فالرُؤيا، اللي قاعدين عليهُم عَندهُم دْروع مْتاع النار والأسمانجون والكَبريت، وريسان العْواد كي ريسان السْبوعة، ويُخرُج من فَمّهُم نار ودُخّان وكَبريت.

رُؤْيَا يُوحَنَّا ٱللَّاهُوتِيِّ 9:19

خاطَر قٌوّة العْواد في فُمّهُم وزْعاكيهُم. وزْعاكيهُم يْشَبّهو للحْنوشة، عَندهُم ريسان بيهُم يْضَرّو.