رُؤْيَا يُوحَنَّا ٱللَّاهُوتِيِّ 3:21 - العهد الجديد باللهجة الجزائرية

²¹ اللي يَغلَب، نَعطيلو باش يُقعَد معايَ على عَرشي، كيما أنا غْلَبت وقْعَدت مع بابا على عَرشو".

رُؤْيَا يُوحَنَّا ٱللَّاهُوتِيِّ 3:21 ပူးပေါင်းရင်းမြစ်များ

إِنْجِيلُ مَتَّى 19:28

قالَلهُم يَسوع: "نْقولَلكُم الصَح، فالوَقت وين يَتجَدَّد كُل شي، كي يْكون بْن الإنسان قاعَد على عَرش المَجد مْتاعو، أنتومَ اللي تَبَّعتوني تْكونو تاني قاعدين على طْناشَن عَرش تْحاكمو العْشايَر الطْناش مْتاع إسرائيل.

إِنْجِيلُ مَتَّى 25:21

قاللو المْعَلَّم مْتاعو: "مْليح يا الخْديم الصالَح والحْلالي، كُنت حْلالي فالقْليل، نْكَلّفَك على الكْتير، أَدخُل في فَرح سيدَك".

إِنْجِيلُ مَتَّى 28:18

أدَّنّا يَسوع، كَلَّمهُم وقال: "كُل حُكمة أتَّعطاتلي فالسْما وعلى الأرض،

إِنْجِيلُ لُوقَا 22:30

باش تاكلو وتَشُّربو على ميدتي فالمَلَكوت مْتاعي وتُقَّعدو على العْروش وتْحاكمو قْبايَل إسرائيل في طْناش.

إِنْجِيلُ يُوحَنَّا 13:32

وَلاّ الله تْمَجَّد فيه، الله تاني يْمَجّدو فيه، ويْمَجّدو بالخَف.

إِنْجِيلُ يُوحَنَّا 16:33

قُلتَلكُم هاد الشي باش يْكونَلكُم السْلام فِيَّ، رايحين تْعانيو فالدَنيا بَصَّح أتسَجعو، راني غْلَبت الدَنيا".

رِسَالَةُ بُولُسَ ٱلرَّسُولِ ٱلتَّانِيةُ إِلَى تِيمُوتَاوُسَ 2:12

وَلاّ حْمَلنا معاه، نَمَّلكو تاني معاه، وَلاّ نْكَرناه، هُوَ تاني يَنكُرنا،

رُؤْيَا يُوحَنَّا ٱللَّاهُوتِيِّ 1:6

ورَدّنا مَملَكة، رْجال دين لإلَهو وباباه، ليه المَجد والقُوّة للدْوام؛ آمين.

رُؤْيَا يُوحَنَّا ٱللَّاهُوتِيِّ 12:11

وهومَ غَلبوه بدَم الخْروف وبكَلمة شْهادَتهُم، وما حَبّوش نَفسهُم لحَد الخوف من الموت.

رُؤْيَا يُوحَنَّا ٱللَّاهُوتِيِّ 17:14

يْديرو الحَرب ضَد الخْروف والخْروف يَغلَبهُم، خاطَر هُوَ رَب الأرباب وسَلطان السْلاطَن، واللي معاه مَدعُوّين ومُختارين ومومنين".

رُؤْيَا يُوحَنَّا ٱللَّاهُوتِيِّ 2:7

اللي عَندو وْدَن، غير يَسمَع واش يْقول الروح للكْنايَس. اللي يَغلَب، نَعطيلو ياكُل من سَجرة الحْياة اللي راهي في جَنّة الله".

رُؤْيَا يُوحَنَّا ٱللَّاهُوتِيِّ 20:4

وشَفت عْروش، قَعدو عليهُم نْفوس اللي نْدَبحو بالشاقور على جال شْهادة يَسوع وعلى جال كْلام الله، واللي ما سَجدوش قُدّام الهايشة وَلا قُدّام تَصويرتها، واللي ما نالوش الشامة على جْبينهُم وعلى يَدهّم، وأتَّعطالهُم الحُكم وعاشو ومَلكو مع المَسيح مُدّة أَلف عام.

رُؤْيَا يُوحَنَّا ٱللَّاهُوتِيِّ 20:6

يا سَعدو ومْقَدَّس اللي عَندو نْصيب فالقِيامة الأولى، هَدو الموت التانية ما عَندهاش قُدرة عليهم، يْكونو رْجال دين الله والمَسيح ويَمَّلكو معاه فالأَلف عام.

رُؤْيَا يُوحَنَّا ٱللَّاهُوتِيِّ 5:10

ودَرت منهُم لإلَهنا مَملَكة ورْجال دين يَمَّلكو على الأرض.

رُؤْيَا يُوحَنَّا ٱللَّاهُوتِيِّ 6:2

شَفت، وهاو عود بْيَض، واللي راكبو عَندو قوص، تْمَدّلو تاج وخْرَج غالَب وباش يَغلَب.

رُؤْيَا يُوحَنَّا ٱللَّاهُوتِيِّ 7:17

خاطَر الخْروف اللي راهو في وَسط العَرش يَرعاهُم ويْڤَوَّدهُم لعْناصَر الما الحَي، والله يَمسَح كُل دَمعة من عينيهُم".