رُؤْيَا يُوحَنَّا ٱللَّاهُوتِيِّ 18:21 - العهد الجديد باللهجة الجزائرية

²¹ ورْفَد مْلاك قْوي حَجرة كي اللي رْحيوة كْبيرة ورْماها فالبْحَر وقال: "هَكدا بضَربة واحدة تَتَّرما بابَل المْدينة الكْبيرة وما يْزيدوش يَلقاوها،

رُؤْيَا يُوحَنَّا ٱللَّاهُوتِيِّ 18:21 ပူးပေါင်းရင်းမြစ်များ

رُؤْيَا يُوحَنَّا ٱللَّاهُوتِيِّ 10:1

وشَفت مْلاك واحَدآخُر قْوي هابَط من السْما مْغَطّي بالسْحاب وعلى راسو قوص قُزَح ووَجهو كي الشَمس ورَجليه كي العْرَص مْتاع النار،

رُؤْيَا يُوحَنَّا ٱللَّاهُوتِيِّ 12:8

بَصَّح ما غَلبوش وما بْقاش ليهُم مْكان فالسْما.

رُؤْيَا يُوحَنَّا ٱللَّاهُوتِيِّ 16:20

وكُل جْزيرة نَخفات والجْبال ما بْقاوش.

رُؤْيَا يُوحَنَّا ٱللَّاهُوتِيِّ 18:10

ويَبقاو بْعاد عليها خايفين من عْدابها ويْقولو: "الويل، الويل، المْدينة الكْبيرة، بابَل القْوِيّة، خاطَر في ساعة واحدة جات المْحاسبة مْتاعك"".

رُؤْيَا يُوحَنَّا ٱللَّاهُوتِيِّ 18:22

وصوت اللي يَضَّربو الڤيتارة، والموسيقين واللي يْجَوّقو بالزَمّارة واللي يْجَوّقو البوق ما يْعاودوش يَنسَمعو فيك، وما يْعاودوش يَلقاو فيك صانَع صَنعة، وَلا تاني يَنسمَع فيك صوت الرْحيوة،

رُؤْيَا يُوحَنَّا ٱللَّاهُوتِيِّ 20:11

وشَفت عَرش كْبير بْيَض واللي قاعَد عليه، واللي هَربَت من قُدّامو السْما والأرض وما أتَّلقاش مْكان ليهُم.

رُؤْيَا يُوحَنَّا ٱللَّاهُوتِيِّ 5:2

وشَفت مْلاك قْوي يْبَرَّح بالزور: "شْكون اللي يَستاهَل يَفتَح الكْتاب ويْحَل خْتومو؟"