رُؤْيَا يُوحَنَّا ٱللَّاهُوتِيِّ 14:14 - العهد الجديد باللهجة الجزائرية

¹⁴ وشَفت وهاي سْحابة بيضة، وفوق السْحابة قاعَد بْحال بْنادَم، عَندو على راسو تاج مْتاع الدْهَب وفي يَدّو مَنجَل قاطَع،

رُؤْيَا يُوحَنَّا ٱللَّاهُوتِيِّ 14:14 ပူးပေါင်းရင်းမြစ်များ

إِنْجِيلُ مَتَّى 13:30

خَلّيوهُم يَكَّبرو في زوج كيف كيف حَتّى للحْصاد، وفي وَقت الحْصاد، نْقول للحَصّادين: "لَمّو قْبَل الزْوال وأَرَّبطوه رْباطي رْباطي باش يَتَّحرَق، بَصَّح القَمح لَمّوه فالمَخزَن مْتاعي.""

إِنْجِيلُ مَتَّى 17:5

ومابيد كان هُوَ يَهدَر، هاو وين سْحابة ضاوية ضَلّلَت عليهُم وصوت من السْحابة يْقول: "هَدا وْليدي الحْبيب اللي هُوَ فَرحتي، أَسَّمعولو."

إِنْجِيلُ مَرْقُسَ 4:29

وغير يَوصَل القَمح، يَنجبَد المَنجَل خاطَر جا وَقت الحْصاد."

إِنْجِيلُ لُوقَا 21:27

داك الوَقت، يْشوفو بْن الإنسان جاي فوق سْحابة بقُوّة وهيبة كْبيرة.

اَلرِّسَالَةُ إِلَى ٱلْعِبْرَانِيِّينَ 2:9

نْشوفو هَداك اللي تْنَزَّل شْوِيّة على المَلايكة، يَسوع، على جال عْداب الموت، تْتَوَّج بالبْها والشان، باش، بنَعمة الله، داق الموت على جال كُل واحَد.

رُؤْيَا يُوحَنَّا ٱللَّاهُوتِيِّ 1:13

وفي وَسط الشَندالات واحَد يْشَبَّه لبْنادَم، كان لابَس لْباس حَتّى للرَجلين ومْحَزَّم صَدرو بحْزام مْتاع الدْهَب،

رُؤْيَا يُوحَنَّا ٱللَّاهُوتِيِّ 1:7

هاو جاي مع السْحاب، كُل عين تْشوفو حَتّى اللي تَقبوه، ويْنوحو عليه كامَل قْبايَل الأرض. إيه، آمين.

رُؤْيَا يُوحَنَّا ٱللَّاهُوتِيِّ 10:1

وشَفت مْلاك واحَدآخُر قْوي هابَط من السْما مْغَطّي بالسْحاب وعلى راسو قوص قُزَح ووَجهو كي الشَمس ورَجليه كي العْرَص مْتاع النار،

رُؤْيَا يُوحَنَّا ٱللَّاهُوتِيِّ 11:17

وهومَ يْقولو: "نَحَّمدوك أنتَ يا رَب، الإلَه القادَر، الكايَن واللي كان، خاطَر خْديت قَوّتَك الكْبيرة ومْلَكت.

رُؤْيَا يُوحَنَّا ٱللَّاهُوتِيِّ 19:12

عينيه كي لْهيب النار، وفوق راسو تيجان بَزّاف، عَندو آسَم مَكتوب، واحَد ما يَعَّرفو من غيرو.

رُؤْيَا يُوحَنَّا ٱللَّاهُوتِيِّ 20:11

وشَفت عَرش كْبير بْيَض واللي قاعَد عليه، واللي هَربَت من قُدّامو السْما والأرض وما أتَّلقاش مْكان ليهُم.

رُؤْيَا يُوحَنَّا ٱللَّاهُوتِيِّ 6:2

شَفت، وهاو عود بْيَض، واللي راكبو عَندو قوص، تْمَدّلو تاج وخْرَج غالَب وباش يَغلَب.