إِنْجِيلُ مَرْقُسَ 6:2 - العهد الجديد باللهجة الجزائرية

² في يوم السَبت، بْدا يْدَرَّس فالمَجمَع وبَزّاف اللي كانو يَسَّمعو فيه سْتَعجبو وقالو: "مْنين جاه هاد الشي، وواشَن هاد العْقَل اللي أتَّعطاتلو وهاد المُعجِزات اللي راهُم يَندارو على يَدّو؟

إِنْجِيلُ مَرْقُسَ 6:2 ပူးပေါင်းရင်းမြစ်များ

إِنْجِيلُ مَتَّى 4:23

أومبَعد، راح يَسوع يْطَوَّف كامَل الجْليل، يْدَرَّس في مْجامَعهُم ويْبَرَّح ببْشارة المَلَكوت ويَشفي كُل مَرض وكُل عيب فالشَعب.

إِنْجِيلُ مَتَّى 7:28

بَعد ما كَمَّل يَسوع هاد الكْلام، سْتَعجَب الغاشي فالتَعليم مْتاعو،

إِنْجِيلُ مَرْقُسَ 1:39

وراح يْبَشَّر فالمْجامَع مْتاع كامَل الجْليل ويْخَرَّج الشْياطَن.

إِنْجِيلُ مَرْقُسَ 10:1

ناض يَسوع من تَم وجا لجوايَه اليَهودِيّة ومور واد الأُردُن وزاد تْلايَم عَندو الغاشي وكي عادتو بْدا يْدَرَّس فيهُم.

إِنْجِيلُ لُوقَا 2:47

كامَل اللي سَمعوه، سْتَعجبو في فْهامتو ووْجابو.

إِنْجِيلُ لُوقَا 4:15

وكان يْدَرَّس في مْجامَعهُم، عاجَبهُم كامَل.

إِنْجِيلُ يُوحَنَّا 6:42

وكانو يْقولو: "هَدا ماشي يَسوع وْليد يوسَف اللي نَعَّرفو باباه ويَمّاه؟ كيفاش دُرك يْقول: هْبَطت من السْما؟"

إِنْجِيلُ يُوحَنَّا 7:15

سْتَغربو اليْهود وقالو: "كيفاش هَدا يَعرَف الكْتوب وهُوَ ما قْراش؟"