إِنْجِيلُ مَرْقُسَ 16:1 - العهد الجديد باللهجة الجزائرية

¹ كي جاز السَبت، مَريَم المَجدَلِيّة ومَريَم يَمّاة يَعقوب وسالومة شْراو زْيوت مْعَطّرين باش يْروحو يَدَّهنو دات يَسوع،

إِنْجِيلُ مَرْقُسَ 16:1 ပူးပေါင်းရင်းမြစ်များ

إِنْجِيلُ مَرْقُسَ 14:3

وكي كان يَسوع في بيت عَنيا قاعَد على الميدة في دار سَمعان البْرَص، جات مْرا عَندها قَرعة مْتاع المَرمَر فيها ريحة حُرّة وغالية بَزّاف، كَسَّرتها وفَرّغَت الريحة على راس يَسوع.

إِنْجِيلُ مَرْقُسَ 14:8

دارَت اللي قَدرَت عليه، سَبقَت دَهنَت داتي لدْفينتي.

إِنْجِيلُ مَرْقُسَ 15:40

وكانو تاني نْسا يْشوفو من البْعيد، ومنهُم مَريَم المَجدَلِيّة ومَريَم يَمّاة يَعقوب الصْغير ويوسي وسالومة،

إِنْجِيلُ مَرْقُسَ 15:42

وغير جات العْشِيّة، وكان التَوجاد ليلة السَبت،

إِنْجِيلُ مَرْقُسَ 15:47

مَريَم المَجدَلِيّة ومَريَم يَمّاة يوسي كانو يْشوفو وين نْحَط.

إِنْجِيلُ مَرْقُسَ 16:2

واليوم الأوَّل فالجَمعة، الصْباح بَكري، مع طْلوع الشَمس، جاو للقْبَر،

إِنْجِيلُ مَرْقُسَ 16:8

خَرجو وهَربو من القْبَر خاطَر كانو بالرَجفة والخُلعة، وما قالو حَتّى حاجة لحَتّى واحَد خاطَر كانو خايفين.

إِنْجِيلُ لُوقَا 23:54

كان هَداك النْهار نْهار التَوجاد والسَبت رايَح يَبدا.

إِنْجِيلُ لُوقَا 23:56

رَجعو، وَجّدو زْيوت ورْوايَح، ورِيّحو نْهار السَبت على حْساب الشَريعة.

إِنْجِيلُ لُوقَا 24:1

فاليوم الأَوَّل مْتاع الجَمعة، راحو النْسا صْباح بَكري للقْبَر وأدّاو معاهُم الزْيوت اللي كانو وَجّدوهُم.

إِنْجِيلُ يُوحَنَّا 19:25

كانو قُدّام الصْليب يَمّاة يَسوع، وخُت يَمّاه ومَريَم مَرت كْلوبا ومَريَم المَجدَلِيّة،

إِنْجِيلُ يُوحَنَّا 19:31

على حْساب اللي كان التَوجاد للفَصح، وباش ما تَبقاش دات الموتى على الصْليب فالسَبت، خاطَر هَداك السَبت كان كْبير، طَلبو اليْهود من بيلاطَس باش يْكَسّرو رْكايَب المَصلوبين ويْنَحّيوهُم من الصْليب.