إِنْجِيلُ مَتَّى 8:3 - العهد الجديد باللهجة الجزائرية

³ مَد يَسوع يَدّو، مَسّو وقال: "نْحَب، كون طاهَر". تَم تَم، طْهَر الراجَل من البْرَص مْتاعو.

إِنْجِيلُ مَتَّى 8:3 ပူးပေါင်းရင်းမြစ်များ

إِنْجِيلُ مَتَّى 12:13

داك الساع قال للراجَل: "كَسَّل يَدَّك"، كَسَّلها الراجَل وبْرات صْحيحة كيما الأُخرى.

إِنْجِيلُ مَرْقُسَ 1:41

حَن يَسوع ومَد يَدّو، مَسّو وقاللو: "نْحَب، أَطهَر"،

إِنْجِيلُ مَرْقُسَ 4:39

ناض، هَدَّد الريح وقال للبْحَر: "أَسكُت، أَتهَدَّن". حْبَس الريح وتْهَدّنَت الحالة.

إِنْجِيلُ مَرْقُسَ 5:41

شَدَّلها يَدّها وقالَلها: "طاليتا، قوم"، ومَعنَتها: "يا طَفلة، نوضي".

إِنْجِيلُ مَرْقُسَ 7:34

ورْفَد عينيه للسْما وتْنَهَّد وقال: "إِفَّتا" يَعني "أَنحَل".

إِنْجِيلُ مَرْقُسَ 9:25

كي شاف يَسوع الغاشي جاي يَجري، آمَر الروح الناجَس وقاللو: "يا الروح العَڤّون والطْرش، نامرَك، أخرُج مَنّو وما تْزيدش تَدخُل فيه".

إِنْجِيلُ لُوقَا 4:27

وكانو كاينين بَزّاف اللي عَندهُم البْرَص في إسرائيل في زْمان أليشَع النَبي وواحَد فيهُم ما طْهَر من غير نَعمان السوري".

إِنْجِيلُ لُوقَا 5:13

مَد يَسوع يَدّو، مَسّو وقال: "نْحَب، أطهَر"، وتَم تَم راح عليه البْرَص.

إِنْجِيلُ لُوقَا 7:14

وأدَنّا ومَس النْعاش. وَقفو اللي كانو رافدينو وقال يَسوع: "يا مَصغَر، ليك نْقول، نوض".

إِنْجِيلُ يُوحَنَّا 11:43

وكي قال هَكدا، عَيَّط بالزور: "لِعازَر، إيَّ لبَرّا".

إِنْجِيلُ يُوحَنَّا 15:24

لوكان ما دَرتش في وَسطهُم عْمال واحَد ما دْارهَم، لو كان ما عَندهُمش دْنب، بَصَّح دُرك شافو، وكَرهوني وكَرهو بابا،

إِنْجِيلُ يُوحَنَّا 5:21

كيما الآب يْنَوَّض الموتى ويَحييهُم، الإبن تاني يَحيي اللي يْحَب.