إِنْجِيلُ لُوقَا 6:22 - العهد الجديد باللهجة الجزائرية

²² يا سَعدكُم كي يَكَّرهوكُم الناس وكي يْحاوزوكُم ويْعايروكُم ويَنَّكرو آسَمكُم كي اللي مَنعول على جال بْن الإنسان،

إِنْجِيلُ لُوقَا 6:22 ပူးပေါင်းရင်းမြစ်များ

إِنْجِيلُ مَتَّى 10:18

على جالي يَدّيوكُم عَند حُكّام وسْلاطَن باش تَشَّهدو قُدّامهُم وقُدّام الكُفّار.

إِنْجِيلُ مَتَّى 10:22

تْكونو مَكروهين من الناس كامَل على جال آسمي، بَصَّح اللي يَبقا تابَت حَتّى للأَخَّر، هَداك يَسلَك.

إِنْجِيلُ مَتَّى 10:39

اللي يْحادَر على حْياتو، يَخسَرها، واللي يَخسَر حْياتو على جالي، يَلقاها.

إِنْجِيلُ لُوقَا 20:15

خَرّجوه من الجْنان مْتاع الدالية وقَتلوه. دُرك واش يْديرلهُم مول الدالية؟

إِنْجِيلُ لُوقَا 21:17

وتْكونو مَكروهين من عَند كامَل الناس على جال آسمي،

إِنْجِيلُ لُوقَا 6:21

يا سَعدكُم يا اللي راكُم جيعانين خاطَر رايحين تَشَّبعو، يا سَعدكُم يا اللي راكُم تَبكيو خاطَر رايحين تَضَّحكو،

إِنْجِيلُ يُوحَنَّا 12:42

بَزّاف من الرِيّاس اللي آمنو بيه بَصَّح ما بَيّنو والُ على جال الفَرّيسِيّين، خاطَر خافو يَتحاوزو من المَجمَع،

إِنْجِيلُ يُوحَنَّا 16:2

ماشي بَرك يْحاوزوكُم من المْجامَع، تْجي الساعة وين اللي يَقتَلكُم يَحسَبها عْبادة لله،

إِنْجِيلُ يُوحَنَّا 17:14

عْطيتلهُم كْلامَك والدَنيا كَرهَتهُم خاطَر هومَ ماشي من الدَنيا كيما أنا ماشي من الدَنيا،

إِنْجِيلُ يُوحَنَّا 7:7

الدَنيا ما تَقدَرش تَكرَهكُم، بَصَّح أنا تَكرَهني خاطَر نَشهَد عليها باللي عْمالها دونِيّين،

إِنْجِيلُ يُوحَنَّا 9:34

جاوبو وقالولو: "أنتَ بكْمالَك زَدت فالدْنوب وتْجي تْعَلَّمنا"، ورْماوَه بَرّا.

أَعْمَالُ ٱلرُّسُلِ 22:22

سَمعولو حَتَّى لهاد الكَلمة، أومبَعد طَلّعو صوتهُم وهومَ يْقولو: "نَحّيو هاد الإنسان من الأَرض، خاطَر ما يَستاهَلش يْعيش"،

أَعْمَالُ ٱلرُّسُلِ 24:5

عْرَفنا باللي هاد الراجَل يْضَر ويْدير الفْراق بين كامَل اليْهود اللي فالأَرض، وهُوَ رايَس بَدعة الناصرِيّين،

أَعْمَالُ ٱلرُّسُلِ 9:16

ورايَح نْوَرّيلو شْحال لازَم يَتعَدَّب على جال آسمي".

رِسَالَةُ يَعْقُوبَ 1:12

يا سَعد الإنسان اللي يَحمَل التَجرُبة، خاطَر بَعد ما يْكون مْجَوَّز، يْنال تاج الحْياة اللي وْعَد بيه الله اللي يْحَبّوه.

رِسَالَةُ بُطْرُسَ ٱلرَّسُولِ ٱلْأُولَى 3:14

بَصَّح وَلاّ كان لازَم تَتعَدبو على جال الحَق، يا سَعدكُم. ما تْخافو منهُم وَلا تَتهَولو.