إِنْجِيلُ لُوقَا 4:18 - العهد الجديد باللهجة الجزائرية

¹⁸ "روح الرَب علِيَّ، خاطَر دْهَنني باش نْبَشَّر الڤْلالين، بْعَتني باش نْبَرَّح للمَحبوسين بالسْراح وللعَميين بالشوفة، نَطلَق سْراح المغبونين،

إِنْجِيلُ لُوقَا 4:18 ပူးပေါင်းရင်းမြစ်များ

إِنْجِيلُ مَتَّى 11:5

العَميين راهُم يْعاودو يْشوفو، الكَعوانين يَمشيو مْسَڤَّم، المْراض بالبْرَص يَطَّهرو، الطْروشى يَسَّمعو، الموتى يَحياو والبْشارة تَوصَل للڤْلالين.

إِنْجِيلُ مَتَّى 12:18

"هاوليك الخْديم مْتاعي اللي خَيَّرتو، حْبيبي اللي سَعدَت نَفسي بيه، نْحَط روحي عليه، ويْخَبَّر الأُمّات بالحَق.

إِنْجِيلُ مَتَّى 12:20

ما يْكَسَّرش القَصبة المْدَڤدڤة، وما يَطَفّيش الفْتيلة اللي تْكون تْدَخَّن حَتّى يَنصَر الحَق،

إِنْجِيلُ مَتَّى 4:16

الشَعب القاعَد فالضَلمة شاف نور كْبير، والقاعدين في بْلاد الموت وضَلّها، شْرَق عْليهم نور."

إِنْجِيلُ مَتَّى 5:3

"يا سَعد الڤْلالين فالروح خاطَر مَلَكوت السْما ليهُم.

إِنْجِيلُ لُوقَا 4:17

عْطاولو كْتاب النَبي إشعِيا وكي حَل الكْتاب، طاح وين مَكتوب:

إِنْجِيلُ لُوقَا 6:20

رْفَد يَسوع عينيه للتابعين مْتاعو وقال: "يا سَعدكُم يا الڤْلالين خاطَر مَلَكوت الله مْتاعكُم،

إِنْجِيلُ لُوقَا 7:22

جاوَب يَسوع وقالَلهُم: "كي تْروحو، خَبّرو يوحَنّا باللي شَفتوه وسْمَعتوه: العَميين راهُم يْشوفو، المَشلولين يَمشيو، اللي عَندهُم البْرَص يَطَّهرو، الطْروشة يَسَّمعو، الموتى يْقومو والڤْلالين يَتبَشّرو،

إِنْجِيلُ يُوحَنَّا 1:41

أندراوَس لْقا قْبَل خوه سَمعان وقاللو: "لْقينا المِسِيّا" ومَعناه المَسيح،

إِنْجِيلُ يُوحَنَّا 12:46

أنا جيت نور للدَنيا، باش كُل من يامَن بِيَّ، ما يَبقاش فالضَلمة،

إِنْجِيلُ يُوحَنَّا 3:34

اللي بَعتو الله يْقول كْلام الله، خاطَر الله ما يْمَدش الروح بالحْساب،

أَعْمَالُ ٱلرُّسُلِ 10:38

كيفاش الله دْهَن بالروح القُدّوس وبالقُدرة يَسوع الناصري، اللي كان يْروح من مَضرَب لمَضرَب يْدير الخير ويَشفي اللي كانو تَحت السيطَرة مْتاع إبليس خاطَر الله كان معاه،

أَعْمَالُ ٱلرُّسُلِ 26:18

باش تْحَلَّلهُم عينيهُم، ويَرَّجعو من الضْلام للضو ومن سيطَرة الشيطان لله، باش يْنالو بالإيمان بيَّ غُفران الدْنوب ونْصيب مع المْقَدّسين".

أَعْمَالُ ٱلرُّسُلِ 4:26

سْلاطَن الأرض ناضو والرِيّاس تْحاماو على الرَب وعلى المَسيح مْتاعو،

أَعْمَالُ ٱلرُّسُلِ 4:27

خاطَر صَح، هيرودَس وبيلاطَس البُنطيّ تْحاماو في هاد المْدينة مع الأُمّات، وشْعوب إسرائيل على خْديمَك القُدّوس يَسوع اللي دْهَنتو،

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 1:13

هُوَ اللي سَلَّكنا من قُدرة الضْلام وأدّانا لمَلَكوت وْليدو الحْبيب،

رِسَالَةُ يَعْقُوبَ 2:5

أسَّمعو يا خاوتي الحْباب، ماشي الله خَيَّر الڤْلالين مْتاع هاد الدَنيا وهومَ مْرَفّهين بالإيمان ووَراتا للمَلكوت اللي وْعَد بيه اللي يْحَبّوه؟

رِسَالَةُ بُطْرُسَ ٱلرَّسُولِ ٱلْأُولَى 2:9

بَصَّح أنتومَ، سْلالة مُختارة، جْماعة مْلوكية مْتاع رْجال الدين، أُمّة مْقَدسة، شَعب مَلكو الله باش تْبَرّحو بفْضايَل اللي دْعاكُم من الضْلام لنورو الهايَل،