إِنْجِيلُ يُوحَنَّا 7:33 - العهد الجديد باللهجة الجزائرية

³³ قال يَسوع: "مازاللي وَقت قْصير معاكُم ونْروح للي بْعَتني،

إِنْجِيلُ يُوحَنَّا 7:33 ပူးပေါင်းရင်းမြစ်များ

إِنْجِيلُ مَرْقُسَ 16:19

بَعد ما هْدَرَّلهُم الرَب يَسوع، أتَّرفَع فالسْما، وقْعَد على يْمين الله.

إِنْجِيلُ يُوحَنَّا 13:1

قْبَل عيد الفَصح، عْرَف يَسوع باللي وَصلَت ساعتو باش يْجوز من هاد الدَنيا للآب، وهُوَ اللي كان يْحَب ناسو اللي كانو فالدَنيا، زاد حَبّهُم حَتّى لتَم.

إِنْجِيلُ يُوحَنَّا 13:3

ويَسوع اللي كان عارَف باللي الآب دارلو كُل شي في يَدّو، وباللي جا من عَند الله ويْروح لعَند الله،

إِنْجِيلُ يُوحَنَّا 13:33

يا الدْراري الصْغار، ما زَاللني شْوِيّة معاكُم أومبَعد تْحَوّسو علِيَّ وكيما قُلت لليْهود ما تَقَّدروش تْجيو وين نْروح، وأنتومَ تاني نْقولَلكُم دُرك،

إِنْجِيلُ يُوحَنَّا 14:12

نْقولَلكُم الصَح الصَح، اللي يامَن بِيَّ، الأَعمال اللي نْديرهُم هُوَ تاني يْديرهُم ويْزيد يْدير كْتَر منهُم، خاطَر أنا راني رايَح للآب،

إِنْجِيلُ يُوحَنَّا 14:19

مازال شْوِيّة والدَنيا ما تْزيدش تْشوفني بَصَّح أنتومَ تْشوفوني خاطَر أنا حَيّ وأنتومَ تَحياو،

إِنْجِيلُ يُوحَنَّا 14:28

سْمَعتو باللي قُلتَلكُم، نْروح ونْجي ليكُم، وَلاّ جيتو تْحَبّوني تَفَّرحو اللي راني رايَح للآب، خاطَر الآب كْبير علِيَّ،

إِنْجِيلُ يُوحَنَّا 16:10

من جيهة أخرى فاللي يْخَص الصْلاح خاطَر راني رايَح للآب وما تْزيدوش تْشوفوني،

إِنْجِيلُ يُوحَنَّا 16:28

خْرَجت من عَند الآب وجيت للدَنيا، نْعاوَد نْخَلّي الدَنيا ونْروح للآب".

إِنْجِيلُ يُوحَنَّا 16:5

ودُرك راني رايَح لعَند اللي بْعَتني، وواحَد فيكُم ما يْسَقسيني وين راك رايَح؟

إِنْجِيلُ يُوحَنَّا 17:11

أنا ما نْزيدش نْكون فالدَنيا بَصَّح هومَ فالدَنيا، وأنا راني جاي لعَندك. يا بابا القُدّوس، أحفَضهُم في آسمَك اللي عْطيتهولي، باش يْكونو واحَد كيما حْنا واحَد،

إِنْجِيلُ يُوحَنَّا 17:13

دُرك راني جاي لعَندك ونَهدَر هاد الشي فالدَنيا باش تْكون فَرحتي كاملة فيهُم،

إِنْجِيلُ يُوحَنَّا 20:17

قالَلها يَسوع: "ما تْمَسّينيش خاطَر مازال ما طْلَعتش للآب، بَصَّح روحي عَند خاوتي وقوليلهُم راني طالَع عَند بابا وباباكُم، عَند إلَهي وإلَهكُم"،

إِنْجِيلُ يُوحَنَّا 9:4

لازَمنا نْديرو عْمال اللي بْعتني مادام النهار، يْجي الليل وين واحَد ما يَقدَر يَخدَم،