إِنْجِيلُ يُوحَنَّا 4:19 - العهد الجديد باللهجة الجزائرية

¹⁹ قالَتلو المْرا: "سيدي، راني نْشوف باللي أنتَ نَبي،

إِنْجِيلُ يُوحَنَّا 4:19 ပူးပေါင်းရင်းမြစ်များ

إِنْجِيلُ مَتَّى 21:11

والغاشي كان يْقول: "هَدا يَسوع النَبي، من الناصرة فالجْليل".

إِنْجِيلُ لُوقَا 24:19

قالَلهُم: "وواش صْرا؟" قالولو: "اللي صْرا ليَسوع الناصري، اللي كان راجَل نَبي قادَر فالفْعال والقْوال قُدّام الله والشَعب كامَل،

إِنْجِيلُ لُوقَا 7:16

طاح الخوف عليهُم كامَل وسَبحو الله وقالو: "جا بيناتنا نَبي كْبير"، وواحَدُخرين قالو: "الله فاقَد شَعبو".

إِنْجِيلُ لُوقَا 7:39

كي شاف الفَرّيسي اللي عَرضو هاد الشي قال في قَلبو: "لو كان جا هاد الراجَل نَبي، كان يَعرَف هاد المْرا اللي راهي تْمَس فيه وواش تْكون، يَعرَفها باللي مْرا خاطية".

إِنْجِيلُ يُوحَنَّا 4:18

خاطَر تْزَوَّجتي بخَمس رْجال، ودُرك اللي راهو عَندك ماشي راجلَك. في هَدي قُلتي الصَح".

إِنْجِيلُ يُوحَنَّا 4:29

"أرواحو تْشوفو واحَد الإنسان قاللي كامَل واش دَرت، بَلاك يْكون هُوَ المَسيح؟"

إِنْجِيلُ يُوحَنَّا 6:14

الناس كي شافو المارة اللي دارها قالو: "هَدا صَح هُوَ النَبي اللي يْجي للدَنيا"،

إِنْجِيلُ يُوحَنَّا 7:40

كايَن من الغاشي اللي سَمعو هاد الكْلام وقالو: "صَح هَدا هُوَ النَبي"،

إِنْجِيلُ يُوحَنَّا 9:17

زادو قالو للعْمى: "واش تْقول أنتَ عليه، أنتَ اللي حَلَّك عينيك؟" قالَلهُم باللي هُوَ نَبي.