إِنْجِيلُ يُوحَنَّا 3:36 - العهد الجديد باللهجة الجزائرية

³⁶ اللي يامَن بالإبن، عَندو حْياة دايمة، بَصَّح اللي ما يَقبَلش يامَن بالإبن، ما يْشوفش حْياة ويْكون عليه زْعاف الله".

إِنْجِيلُ يُوحَنَّا 3:36 ပူးပေါင်းရင်းမြစ်များ

إِنْجِيلُ مَتَّى 25:46

ويْروحو هَدوك للعِقاب الدايَم بَصَّح الصالحين للحْياة الدايمة".

إِنْجِيلُ مَرْقُسَ 16:16

اللي يامَن ويَتعَمَّد يَسلَك، بَصَّح اللي ما يامَنش يَتَّحكَم عليه.

إِنْجِيلُ لُوقَا 2:30

خاطَر عينِيَّ شافو سْلاكَك،

إِنْجِيلُ لُوقَا 3:6

وكُل بْنادَم يْشوف سْلاك الله."

إِنْجِيلُ يُوحَنَّا 1:12

بَصَّح كامَل اللي قَبلوه، اللي آمنو بآسمو، عْطالهُم القُدرة باش يْوَلّيو وْلاد الله،

إِنْجِيلُ يُوحَنَّا 10:28

وأنا نَعطيلهُم الحْياة الدايمة، للدْوام ما يْموتوش وواحَد ما يْنَحّيهُم من يَدّي.

إِنْجِيلُ يُوحَنَّا 3:3

واجَب يَسوع وقاللو: "نْقولَك الصَح الصَح: لو كان الواحَد ما يَنزادش مالفوق، ما يَقدَرش يْشوف مَلكوت الله."

إِنْجِيلُ يُوحَنَّا 4:36

الحَصّاد يَدّي خْلاصو، ويْلَم الغَلّة للحْياة الدايمة، باش اللي يَزرَع واللي يَحصَد يَفَّرحو كيف كيف،

إِنْجِيلُ يُوحَنَّا 5:24

نْقولَلكُم الصَح الصَح، باللي اللي يَسمَع كْلامي ويامَن باللي بْعَتني عَندو الحْياة الدايمة، وما يَتحاكَمش خاطَر جاز من الموت للحْياة.

إِنْجِيلُ يُوحَنَّا 6:58

هَدا هُوَ الخُبز اللي هْبَط من السْما، ماشي كيما المَن اللي كْلاوَه جْدودكُم وماتو، اللي ياكُل هاد الخُبز يَحيا على الدْوام".

إِنْجِيلُ يُوحَنَّا 8:51

نْقولَلكُم الصَح الصَح، وَلاّ واحَد حْفَض كْلامي، ما يْشوفش الموت للدْوام".

أَعْمَالُ ٱلرُّسُلِ 14:2

بَصَّح اليْهود اللي ما آمنوش حَرّشو اللي ماشي يْهود وفَسّدولهُم نيَّتهُم من جيهة الخاوة.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 4:15

إيه، الشَريعة تْجيب الزْعاف، وبلا شَريعة، ما كانش عَصيان.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 5:9

دُرك، كي نَلنا الصْلاح بدَمّو، رايحين نَسَّلكو بيه من الزْعاف.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 8:1

ما كايَن دُرك هِمّالا حَتّى حُكم على اللي فالمَسيح يَسوع،

رِسَالَةُ بُولُسَ ٱلرَّسُولِ إِلَى أَهْلِ غَلَاطِيَّةَ 3:10

خاطَر كامَل اللي يْشَدّو في فْعال الشَريعة راهُم تَحت النَعلة، خاطَر مَكتوب: "مَنعول كُل واحَد ما يَتبَتش في كامَل واش مَكتوب في كْتاب الشَريعة باش يْطَبّقو"،

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 5:6

ما يْغَرّكُم حَتّى واحَد بكْلام فارَغ، خاطَر على جال هاد الشي اللي يْجي زْعاف الله على وْلاد العَصيان،

تسالونيكي الأولى 1:10

وتَستَنّاو وْليدو الجاي من السْماوات، اللي حْياه من الموت، يَسوع اللي سَلَّكنا من زْعاف الله الجاي.

تسالونيكي الأولى 5:9

خاطَر الله ما قَدَّرش علينا الزْعاف، عْطانا باش نْنالو السْلاك برَبّنا يَسوع المَسيح،

اَلرِّسَالَةُ إِلَى ٱلْعِبْرَانِيِّينَ 10:29

شْحال في بالكُم يْكون صْعيب العِقاب اللي يَستاهلو اللي يَعفَس على ابن الله ويَحسَب دَم العَهد اللي تْقَدَّس بيه ناجَس ويْهين روح النَعمة؟

اَلرِّسَالَةُ إِلَى ٱلْعِبْرَانِيِّينَ 2:3

كيفاش نَسَّلكو حْنا لو كان نْفَرّطو في سْلاك كْبير كي هَدا، اللي مع الأَوَّل تْبَرَّح بيه من عَند الرَب، أومبَعد اللي سَمعوه تَبّتولنا عليه،

اَلرِّسَالَةُ إِلَى ٱلْعِبْرَانِيِّينَ 3:18

وليمَن حْلَف باللي ما يَدُّخلوش في راحتو، وَلاّ ماشي لهاد العاصيين؟

اَلرِّسَالَةُ إِلَى ٱلْعِبْرَانِيِّينَ 3:19

ونَفَّهمو باللي ما قَدروش يَدُّخلو على جال نَقص الإيمان.

رُؤْيَا يُوحَنَّا ٱللَّاهُوتِيِّ 21:8

بَصَّح للخَوّافين والخَدّاعيين والفاسدين والقَتّالين والزانيين والسَحّارين والمُشركين ولكامَل الكَدّابين، نْصيبهُم فالواد اللي يَحرَق بالنار والكَبريت، واللي هُوَ الموت التانية".