إِنْجِيلُ يُوحَنَّا 16:13 - العهد الجديد باللهجة الجزائرية

¹³ كي يْجي هُوَ، روح الحَق، يْڤَوَّدكُم في كامَل الحَق، خاطَر ما يَهدَرش من عَندو، بَصَّح كامَل واش يَسمَع يَهدَر، ويْخَبَّركُم بواش رايَح يَصرا،

إِنْجِيلُ يُوحَنَّا 16:13 ပူးပေါင်းရင်းမြစ်များ

إِنْجِيلُ يُوحَنَّا 12:49

خاطَر ما هْدَرتش من عَندي، بَصَّح اللي بْعَتني، الآب بالدات آمَرني بواش نْقول وعلى ماش نَهدَر،

إِنْجِيلُ يُوحَنَّا 14:17

روح الحَق اللي الدَنيا ما تَقدَرش تَقَّبلو خاطَر ما تْشوفو ما تَعَّرفو، أنتومَ تَعَّرفوه خاطَر يَبقا معاكُم وراهو فيكُم،

إِنْجِيلُ يُوحَنَّا 14:26

الشْفيع، الروح القُدّوس اللي يَبَّعتو الآب بآسمي، هُوَ يْعَلَّمكُم كُل شي ويْفَكَّركُم بكامَل واش قُلتَلكُم،

إِنْجِيلُ يُوحَنَّا 14:6

قاللو يَسوع: "أنا هُوَ الطْريق والحَق والحْياة، واحَد ما يْجي للآب غير بِيَّ،

إِنْجِيلُ يُوحَنَّا 15:26

كي يْجي الشْفيع اللي نَبعَتهولكُم من عَند الآب، روح الحَق اللي يْجي من عَند الآب، هُوَ يَشهَدلي،

إِنْجِيلُ يُوحَنَّا 16:12

ما زال عَندي حاجات بَزّاف نْقولهُمَّلكُم، بَصَّح دُرك ما تَقَّدروش تَرَّفدوهُم،

إِنْجِيلُ يُوحَنَّا 3:32

يَشهَد بواش شاف وسْمَع، وواحَد ما يَقبَل شْهادتو،

إِنْجِيلُ يُوحَنَّا 8:38

نَهدَر بالشي اللي شَفتو عَند بابا، وأنتومَ تْديرو الشي اللي سْمَعتوه من عَند باباكُم".

أَعْمَالُ ٱلرُّسُلِ 11:28

وناض واحَد منهُم واسمو أغابوس، وعْلَمهُم بالروح باللي رايحة تْجي مَجاعة كْبيرة في كامَل الأرض، وجات في زْمان القَيصَر كْلوديوس.

أَعْمَالُ ٱلرُّسُلِ 20:23

بَصَّح الروح القُدّوس، يَشهَدلي في كُل مْدينة ويْقول الحَبس والمْحايَن راهُم يَستَنّاو فِيَّ.

أَعْمَالُ ٱلرُّسُلِ 27:24

وقال: "ما تْخافش يا بولَس، يَلزمَك تَوقَف قُدّام قَيصَر، والله هاو وْهَبلَك حْياة كامَل اللي راهُم مْسافرين مْعاك"،

تسالونيكي الثانية 2:12

باش يْنَحكَم على كامَل اللي ما آمنوش الحَق بَصَّح سْتبَنّو الباطَل.

تسالونيكي الثانية 2:3

ما لازَم حَتّى واحَد يْغَرّكُم بكاش حاجة، يَسبَق قْبَل يْجي الكُفر، ويَضهَر البْنادَم المَشرار، اللي رايَح الله يَهَّلكو،

اَلرِّسَالَةُ إِلَى ٱلْعِبْرَانِيِّينَ 1:1

شْحال من مَرّة وبشْحال من صِفة، زْمان، كَلَّم الله الجْدود بالأَنبيا.

رِسَالَةُ يُوحَنَّا ٱلرَّسُولِ ٱلْأُولَى 2:20

أنتومَ عَندكُم مَسحة من عَند القُدّوس وكامَل تَعَّرفو،

رِسَالَةُ يُوحَنَّا ٱلرَّسُولِ ٱلْأُولَى 2:27

وأنتومَ، المَسحة اللي نَلتوها مَنّو، باقية فيكُم، وما تَسَّحقوش كاش واحَد يْعَلَّمكُم. كيما تْعَلَّمكُم المَسحة مْتاعو في كُل شي، وهِيَ صَح ماشي كْدَب، على حْساب ما تْعَلَّمكُم، أتَّبتو فالله.

رِسَالَةُ يُوحَنَّا ٱلرَّسُولِ ٱلْأُولَى 4:6

حْنا من الله، اللي يَعرَف الله يَسمَعَّلنا واللي ما يَعرَفش الله ما يَسمَعَّلناش. بهَدا اللي نَعَّرفو روح الحَق وروح الغْلاط.

رِسَالَةُ يُوحَنَّا ٱلرَّسُولِ ٱلْأُولَى 5:6

هَدا هُوَ اللي جا بالما والدَم، يَسوع المَسيح. ماشي بَرك بالما، بالما وبالدَم. والروح هُوَ الشاهَد، خاطَر الروح هُوَ الحَق.

رُؤْيَا يُوحَنَّا ٱللَّاهُوتِيِّ 1:1

وَحي يَسوع المَسيح اللي عْطاهولو الله باش يْبَيَّن لعْبادو الشي اللي رايَح يَصرا بالخَف، واللي بْعَت مْلاكو باش يْخَبَّر بيه عَبدو يوحَنّا،

رُؤْيَا يُوحَنَّا ٱللَّاهُوتِيِّ 1:19

أكتَب الشي اللي شَفتو، اللي كايَن واللي رايَح يَصرا من بَعد.