إِنْجِيلُ يُوحَنَّا 14:13 - العهد الجديد باللهجة الجزائرية

¹³ واللي تَطَّلبوه بآسمي نْديرو، باش يَتمَجَّد الآب فالإبن،

إِنْجِيلُ يُوحَنَّا 14:13 ပူးပေါင်းရင်းမြစ်များ

إِنْجِيلُ مَتَّى 21:22

وكامَل واش تَطَّلبو فالصْلاة بالإيمان، تْنالوه".

إِنْجِيلُ مَتَّى 7:7

أَطَّلبو يَتمَدَّلكُم، حَوّسو تَلقاو، طَبطبو يَتَّفتَحَّلكُم،

إِنْجِيلُ مَرْقُسَ 11:24

على هَدا نْقولَلكُم، كامَل واش تْصَلّيو وتَطَّلبو، آمنو باللي نَلتوه ويْكونَلكُم.

إِنْجِيلُ لُوقَا 11:9

وأنا نقولَلكُم، أطَّلبو يَتمَدَّلكُم، حَوّسو تَلقاو، طَبطبو يَتَّفتَحَّلكُم،

إِنْجِيلُ يُوحَنَّا 10:30

أنا والآب واحَد".

إِنْجِيلُ يُوحَنَّا 12:44

عَيَّط يَسوع وقال: "اللي يامن بِيَّ، ما يامَنش بِيَّ، يامَن باللي بْعَتني،

إِنْجِيلُ يُوحَنَّا 13:31

كي خْرَج قال يَسوع: "دُرك، تْمَجَّد بْن الإنسان وتْمَجَّد الله فيه،

إِنْجِيلُ يُوحَنَّا 14:14

وَلاّ طْلَبتو حاجة بآسمي نْديرها.

إِنْجِيلُ يُوحَنَّا 14:6

قاللو يَسوع: "أنا هُوَ الطْريق والحَق والحْياة، واحَد ما يْجي للآب غير بِيَّ،

إِنْجِيلُ يُوحَنَّا 15:16

ماشي أنتومَ اللي خَيَّرتوني، أنا اللي خَيَّرتكُم وكَلَّفتكُم باش تْروحو وتْجيبو غَلّة وتْدوم غَلَّتكُم، باش واش تَطَّلبو من الآب بآسمي، يَعطيهولكُم،

إِنْجِيلُ يُوحَنَّا 15:7

لوكان تَبقاو فِيَّ ويَبقا كْلامي فيكُم، واش تْحَبّو أطَّلبو ويْكون ليكُم.

إِنْجِيلُ يُوحَنَّا 16:23

وفي هَداك اليوم ما تْسَقسيوني على والو، نْقولَلكُم الصَح الصَح، الشي اللي تَطَّلبوه من الآب بآسمي يَعطيهولكُم،

إِنْجِيلُ يُوحَنَّا 16:26

في هَداك اليوم تَطَّلبو بآسمي وما نْقولَلكُمش باللي نْصَلّي للآب على جالكُم،

إِنْجِيلُ يُوحَنَّا 16:7

بَصَّح نْقولَلكُم الصَح، خيرَلكُم لوكان نْروح، خاطَر لوكان ما نْروحش ما يْجيش الشْفيع لعَندكُم، بَصَّح لوكان نْروح نَبعَتهولكُم،

إِنْجِيلُ يُوحَنَّا 4:10

جاوَب يَسوع وقالَلها: "لوكان تَعَّرفي هِبة الله وشْكون اللي راهو يْقولَك أعطيني نَشرُب، كُنتي طْلَبتي منّو وهُوَ يَعطيك ما حَيّ"،

إِنْجِيلُ يُوحَنَّا 4:14

بَصَّح اللي يَشرُب من الما اللي أنا نَعطيهولو، ما يْزيدش يَعطَش على الدْوام، والما اللي نَعطيهولو يْوَلّي فيه عَنصَر تْفيض منو الحْياة الدايمة".

إِنْجِيلُ يُوحَنَّا 5:19

جاوَبهُم يَسوع وقالَلهُم: "نْقولَلكُم الصَح الصَح، الإبن ما يَقدَر يْدير حَتّى حاجة من عَندو، من غير واش يْشوف الآب يْدير، واش يْدير هَداك، الإبن تاني يْديرو،

إِنْجِيلُ يُوحَنَّا 7:37

فاليوم الأخَّر، اليوم الكْبير مْتاع العيد، وْقَف يَسوع وعَيَّط وقال: "وَلاّ واحَد راهو عَطشان، غير يْجي لِيَّ ويَشرُب،

لرسالة الأولى إلى أهل كورنثوس 14:13

اللي يَهدَر لُغات يَدعي باش يْوَلّي يْتَرجَم،

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 2:18

خاطَر بيه نَقَّدرو في زوج نْقَرّبو في روح واحَد للآب.

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 3:12

فيه عَندنا الحَق باش بالإيمان بيه نْقَرّبو وحْنا واتقين.

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 3:14

على هَدا اللي نَحني رْكايبي قُدّام الآب،

رِسَالَةُ بُولُسَ ٱلرَّسُولِ إِلَى أَهْلِ فِيلِبِّي 4:13

نَقدَر على كُل شي بالله اللي يْقَوّيني.

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 3:17

وكُل شي تْديروه، بالقْوال وَلاّ بالفْعال، ديروه بآسَم الرَب يَسوع، وأحَّمدو بيه الله الآب.

اَلرِّسَالَةُ إِلَى ٱلْعِبْرَانِيِّينَ 13:15

بالمَسيح اللي نْقَدّمو لله دْبيحة تَسبيح في كُل وَقت، يَعني غَلّة اللْسان اللي يَستَعرَف بآسمو.

اَلرِّسَالَةُ إِلَى ٱلْعِبْرَانِيِّينَ 4:15

خاطَر ما عَندناش رايَس كاهنين ماشي قادَر يَرفَق بضَعفنا، هُوَ جَرَّب كُل شي كيما حنا من غير ما يْدير الدْنوب،

اَلرِّسَالَةُ إِلَى ٱلْعِبْرَانِيِّينَ 7:25

على هَدا، هُوَ قادَر يْسَلَّك بالتْمام اللي يْقَرّبو بيه لله، دايمًا حَي باش يَشفَعَّلهُم.

رِسَالَةُ يَعْقُوبَ 1:5

بَصَّح وَلاّ كاش واحَد فيكُم ما عَندوش العْقَل، غير يَطلب من الله اللي يْمَد للجْميع برْضاوة الخاطَر وبلا ما يْلوم، ويَعطيلو.

رِسَالَةُ يَعْقُوبَ 5:16

أستَعرفو بالدْنوب لبَعضكُم بَعض، وصَلّيو لبَعضكُم بَعض باش تَبراو. صْلاة الصالَح تَخدَم بقُوّة كْبيرة.

رِسَالَةُ بُطْرُسَ ٱلرَّسُولِ ٱلْأُولَى 2:5

وأنتومَ تاني، كي الحْجَر الكْريم، كونو مَبنِيّين، دار روحِيّة، لكَهَنوت مْقَدَّس، باش تَهديو ضْحيّات روحِيّين مَقبولين عَند الله بيَسوع المَسيح.

رِسَالَةُ يُوحَنَّا ٱلرَّسُولِ ٱلْأُولَى 3:22

والشي اللي نَطَّلبوه، نْنالوه مَنّو خاطَر نَحَّفضو فْرايضو، ونْديرو الحاجات اللي يْرَضّيوَه.

رِسَالَةُ يُوحَنَّا ٱلرَّسُولِ ٱلْأُولَى 5:14

وهَدا هُوَ الآمان اللي عَندنا قُدّام الله، لو كان نَطَّلبو حاجة على حْساب مُرادو، يَسمَعَّلنا.