إِنْجِيلُ يُوحَنَّا 12:42 - العهد الجديد باللهجة الجزائرية

⁴² بَزّاف من الرِيّاس اللي آمنو بيه بَصَّح ما بَيّنو والُ على جال الفَرّيسِيّين، خاطَر خافو يَتحاوزو من المَجمَع،

إِنْجِيلُ يُوحَنَّا 12:42 ပူးပေါင်းရင်းမြစ်များ

إِنْجِيلُ مَتَّى 10:32

على هَدا، اللي يَستَعرَف بيَّ قُدّام الناس، نَستَعرَف بيه أنا تاني قُدّام بابا اللي فالسْما،

إِنْجِيلُ لُوقَا 12:8

نْقولَلكُم، كُل واحَد يَستَعرَف بيَّ قُدام الناس، يَستَعرَف بيه بْن الانسان قُدّام مْلايكة الله،

إِنْجِيلُ لُوقَا 23:13

لَم بيلاطَس رِيّاس رْجال الدين والحُكّام والشَعب،

إِنْجِيلُ لُوقَا 6:22

يا سَعدكُم كي يَكَّرهوكُم الناس وكي يْحاوزوكُم ويْعايروكُم ويَنَّكرو آسَمكُم كي اللي مَنعول على جال بْن الإنسان،

إِنْجِيلُ يُوحَنَّا 11:45

بَزّاف من اليْهود اللي جاو عَند مَريَم كي شافو واش دار داك الساع آمنو بيه.

إِنْجِيلُ يُوحَنَّا 12:11

خاطَر بَزّاف من اليْهود كانو يْروحو ويامنو بيَسوع.

إِنْجِيلُ يُوحَنَّا 16:2

ماشي بَرك يْحاوزوكُم من المْجامَع، تْجي الساعة وين اللي يَقتَلكُم يَحسَبها عْبادة لله،

إِنْجِيلُ يُوحَنَّا 19:38

بَعد هَدا، يوسَف الرامي اللي كان تابَع يَسوع بالتْخَبية على جال الخوف من اليْهود، طْلَب من بيلاطَس باش يَدّي دات يَسوع من الصْليب. خَلاّه بيلاطَس وراح نْحّاها.

إِنْجِيلُ يُوحَنَّا 3:2

جا لعَند يَسوع فالليل وقاللو: "سيدي، رانا عارفين باللي أنتَ شيخ جاي من عَند الله، خاطَر واحَد ما يَقدَر يْدير هاد المارات اللي راك تْدير إيلا ماكانش الله معاه."

إِنْجِيلُ يُوحَنَّا 7:13

واحَد ما كان يَهدَر عليه عيناني من الخوف من اليْهود.

إِنْجِيلُ يُوحَنَّا 7:31

بَزّاف من الغاشي اللي آمنو بيه وكانو يْقولو: "المَسيح كي يْجي، رايَح يْدير مارات كْتَر من اللي دارهُم هَدا؟"

إِنْجِيلُ يُوحَنَّا 9:22

مْواليه قالو هاد الكْلام من الخوف من اليْهود، خاطَر اليْهود تْفاهمو باللي لو كان واحَد يَستَعرَف بيه باللي المَسيح يَتحاوَز من المَجمَع،

إِنْجِيلُ يُوحَنَّا 9:34

جاوبو وقالولو: "أنتَ بكْمالَك زَدت فالدْنوب وتْجي تْعَلَّمنا"، ورْماوَه بَرّا.

أَعْمَالُ ٱلرُّسُلِ 5:41

راحو الرُسُل من المَجلَس الديني، وهومَ فَرحانين كي سْتاهلو يَنهانو على جال آسَم يَسوع،

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 10:10

خاطَر نامنو بالقَلب باش نْنالو الصْلاح، ونَستَعرفو بالفُم باش نْنالو السْلاك،

رِسَالَةُ يُوحَنَّا ٱلرَّسُولِ ٱلْأُولَى 4:15

اللي يَستَعرف باللي يَسوع هُوَ إبن الله، الله باقي فيه وهُوَ فالله،

رِسَالَةُ يُوحَنَّا ٱلرَّسُولِ ٱلْأُولَى 4:2

في هاد الشي تَعَّرفو روح الله، كُل روح يَستَعرَف باللي يَسوع المَسيح جا فالدات، هُوَ من الله،