إِنْجِيلُ يُوحَنَّا 1:45 - العهد الجديد باللهجة الجزائرية

⁴⁵ تْلاقا فيلِبُّس بنَتَنائيل وقاللو: "رانا لْقينا اللي كْتَب عليه موسى فالشَريعة وكَتبو عليه الأَنبيا، يَسوع بَن يوسَف مْتاع الناصرة"،

إِنْجِيلُ يُوحَنَّا 1:45 ပူးပေါင်းရင်းမြစ်များ

إِنْجِيلُ مَتَّى 10:3

فيلِبّس وبَرتُلماوَس، توما ومَتّى المَكّاس، يَعقوب وْليد حَلفى، وتَدّاوَس،

إِنْجِيلُ مَتَّى 13:55

ماشي هَدا وْليد النَجّار؟ وماشي يَمّاه واسَمها مَريَم وخاوتو يَعقوب ويوسَف وسَمعان ويَهودا؟

إِنْجِيلُ مَتَّى 2:23

وجا يَسكُن في مْدينة يْسَمّيوها الناصرة، وهَكدا تَم كْلام الأَنبيا: "رايَح يَتسَمّا ناصري".

إِنْجِيلُ مَتَّى 21:11

والغاشي كان يْقول: "هَدا يَسوع النَبي، من الناصرة فالجْليل".

إِنْجِيلُ مَرْقُسَ 14:67

وكي شافَت بُطرُس يَتدَفّا، خَزرَت فيه وقالَت: "أنتَ تاني كُنت مع الناصري يَسوع"،

إِنْجِيلُ مَرْقُسَ 6:3

هَدا ماشي النَجّار وْليد مَريَم وخو يَعقوب ويوسي ويَهودا وسَمعان؟ وخْواتاتو ماشي عايشين في وَسطنا؟" وعَترو فيه.

إِنْجِيلُ لُوقَا 18:37

قالولو باللي يَسوع الناصري راهو جايَز،

إِنْجِيلُ لُوقَا 2:4

يوسَف تاني طْلَع من الجْليل، من مْدينة الناصرة لمْدينة داوَد اللي يْسَمّيوها بيت لَحم فاليَهوديّة، خاطَر هُوَ من سْلالة داوَد ومن الدشرة مْتاعو،

إِنْجِيلُ لُوقَا 2:48

وكي شافوه مْواليه نْدَهشو، وقالَتلو يَمّاه: "يا وْليدي، وَعلاش دَرت هَكدا معانا؟ أنا وباباك بْقينا نْحَوّسو عليك وحْنا مْقَلّقين"،

إِنْجِيلُ لُوقَا 24:27

أومبَعد بْدا من موسى ومن كامَل الأنبيا وفَسَّرلهُم كامَل واش مَكتوب عليه.

إِنْجِيلُ لُوقَا 24:44

قالَلهُم: "هَدا هُوَ كْلامي اللي قُلتهولكُم كي كُنت مازالني معاكُم، باللي لازَم يَتحَقَّق كُل شي مَكتوب علِيَّ في شَريعة موسى وكْتوب الأنبيا والمَزامير"،

إِنْجِيلُ لُوقَا 3:23

كي بْدا يَسوع الخَدمة كان في عَمرو واحَد التْلاتين سْنة وكان على حْساب واش مَعروف عليه وْليد يوسَف بَن هالي،

إِنْجِيلُ لُوقَا 4:22

وكانو كامَل يَشَّهدولو وهومَ مَستَعجبين من كْلام النَعمة اللي كان يُخرَج من فَمّو، ويْقولو: "هَدا ماشي وْليد يوسَف؟"

إِنْجِيلُ يُوحَنَّا 1:44

فيلِبُّس كان من بيت صيدا، من مْدينة أندراوَس وبُطرُس.

إِنْجِيلُ يُوحَنَّا 12:21

هَدو راحو لفيلِبُّس مْتاع بيت صيدا فالجْليل، سَقساوَه وقالو: "سيدي، حَبّينا نْشوفو يَسوع"،

إِنْجِيلُ يُوحَنَّا 14:8

قاللو فيلِبُّس: "سيدي، وَرّينا الآب وهَدا يَكفينا".

إِنْجِيلُ يُوحَنَّا 18:5

واجبوه: "يَسوع الناصري"، قالَلهُم: "أنا هُوَ". يَهودا اللي سَلّمو تاني كان واقَف معاهُم،

إِنْجِيلُ يُوحَنَّا 18:7

زاد سَقساهُم: "على من راكُم تْحَوّسو؟" هومَ قالو: "يَسوع الناصري"،

إِنْجِيلُ يُوحَنَّا 19:19

كْتَب بيلاطَس لوحة وحَطّها على الصْليب وكان مَكتوب فيها: "يَسوع الناصري سَلطان اليْهود".

إِنْجِيلُ يُوحَنَّا 21:2

كان سَمعان بُطرُس وتوما اللي يْعَيّطولو "التومي" ونَتَنائيل اللي آصلو من قانا مْتاع الجْليل ووْلاد زَبدي وزوج واحَدُخرين من التابعين مْتاعو،

إِنْجِيلُ يُوحَنَّا 6:42

وكانو يْقولو: "هَدا ماشي يَسوع وْليد يوسَف اللي نَعَّرفو باباه ويَمّاه؟ كيفاش دُرك يْقول: هْبَطت من السْما؟"

إِنْجِيلُ يُوحَنَّا 6:5

وكي رْفَد عينيه، شاف يَسوع غاشي كْبير جاي ليه، وقال لفيلِبُّس: "منين نَشريو الخُبز باش ياكلو هَدو؟"

إِنْجِيلُ يُوحَنَّا 6:7

واجبو فيلِبُّس: "حَتّى ميتين دينار مْتاع الخُبز ما يَكفيوش باش كُل واحَد يَدّي شْوِيّة"،

أَعْمَالُ ٱلرُّسُلِ 10:38

كيفاش الله دْهَن بالروح القُدّوس وبالقُدرة يَسوع الناصري، اللي كان يْروح من مَضرَب لمَضرَب يْدير الخير ويَشفي اللي كانو تَحت السيطَرة مْتاع إبليس خاطَر الله كان معاه،

أَعْمَالُ ٱلرُّسُلِ 2:22

يا الرْجال الإسرائيلِيّين، أَسَّمعو هاد الكْلام: يَسوع الناصري، هاد الراجَل اللي شْهَدلو الله قُدّامكُم بالمُعجِزات، والعْجايَب والمارات اللي دارهُم الله على يَدّو في وَسطكُم، كيما راكُم عارفين،

أَعْمَالُ ٱلرُّسُلِ 22:8

جاوَبتو: "شْكون أنتَ يا رَب؟" قاللي: "أنا يَسوع الناصري اللي راك شاحَن عليه"

أَعْمَالُ ٱلرُّسُلِ 26:9

أنا، كُنت شايَف باللي لازَم نْدير حاجات شينين ضَد آسَم يَسوع الناصري،

أَعْمَالُ ٱلرُّسُلِ 3:6

قاللو بُطرُس: "ما عَندي لا فَضّة لا دْهَب، بَصَّح اللي عَندي نَعطيهولَك، بِاسم يَسوع المَسيح الناصري، نوض وأمشي".