إِنْجِيلُ يُوحَنَّا 1:15 - العهد الجديد باللهجة الجزائرية

¹⁵ شْهَدَّلها يوحَنَّا وعَيَّط وقال: "هَدا هُوَ اللي قُلت عليه، يْجي من بَعدي وهُوَ سْبَقني، خاطَر كان قْبَل مَنّي"،

إِنْجِيلُ يُوحَنَّا 1:15 ပူးပေါင်းရင်းမြစ်များ

إِنْجِيلُ مَتَّى 3:11

أَنا نْعَمَّدكُم فالما للتوبة، بَصَّح اللي يْجي مورايَ، قْوي عْليَّ وأَنا ما نَستاهَلش نَرفَد سَبّاطو. هُوَ يْعَمَّدكُم فالروح القُدّوس وفالنار،

إِنْجِيلُ مَرْقُسَ 1:7

وكان يْبَرَّح ويْقول: "يْجي مورايَ اللي قْوِيّ علِيَّ، اللي ما نَستاهَلش نْطابَس ونْحَل رْباط سَبّاطو،

إِنْجِيلُ لُوقَا 3:16

جاوَب يوحَنّا وقالَلهُم كامَل: "أنا نْعَمَّدكُم بالما، بَصَّح يْجي اللي قْوي عْلِيَّ، واللي ما نَستاهَلش نْحَل حَتّى خْيوط سَبّاطو. هُوَ يْعَمَّدكُم فالروح القُدّوس والنار،

إِنْجِيلُ يُوحَنَّا 1:27

يْجي من بَعدي وأنا ما نَستاهَلش نْحَل حتى خْيوط سَبّاطو."

إِنْجِيلُ يُوحَنَّا 17:5

ودُرك، مَجَّدني أنتَ يا بابا قُدّامَك بالمَجد اللي كان عَندي قُدّامَك قْبَل ما تْكون الدَنيا.

إِنْجِيلُ يُوحَنَّا 8:58

قالَلهُم يَسوع: "نْقولَلكُم الصَح الصَح، قْبَل ما كان إبراهيم، أنا راني".

رِسَالَةُ بُولُسَ ٱلرَّسُولِ إِلَى أَهْلِ كُولُوسِّي 1:17

هُوَ قْبَل كُل شي وكُل شي يَحيا بيه.

اَلرِّسَالَةُ إِلَى ٱلْعِبْرَانِيِّينَ 13:8

المَسيح هُوَ هُوَ، البارَح واليوم وللدْوام.

رُؤْيَا يُوحَنَّا ٱللَّاهُوتِيِّ 1:11

يْقول: أكتَب واش تْشوف في كْتاب وأبَّعتو للكْنايَس السَبعة في آفسُس وسْميرنا وبَرغامَس وتِياتيرا وساردَس وفيلادَلفِيا ولاودِكِيّة.

رُؤْيَا يُوحَنَّا ٱللَّاهُوتِيِّ 2:8

وأكتَب لمْلاك كَنيسة سْميرنا: "هاو واش يْقول الأوَّل والآخَّر، اللي كان مِيَّت وراهو حَي: