اَلرِّسَالَةُ إِلَى ٱلْعِبْرَانِيِّينَ 13:7 - العهد الجديد باللهجة الجزائرية

⁷ أَتفَكّرو ڤُوّادكُم اللي وَرّاوَلكُم كَلمة الله، مَيّزو كيفاش كَمّلو سيرَتهُم وتَّبعو إيمانهُم.

اَلرِّسَالَةُ إِلَى ٱلْعِبْرَانِيِّينَ 13:7 ပူးပေါင်းရင်းမြစ်များ

إِنْجِيلُ مَتَّى 24:45

شْكون هُوَ هِمّالا الخْديم الحْلالي والفايَق اللي دارو سيدو وْكيل على الخَدّامين مْتاع دارو؟ اللي يَعطيلهُم الماكلة في وَقتها.

إِنْجِيلُ لُوقَا 12:42

قال الرَب: "شْكون هُوَ الوْكيل الحْلالي العاقَل اللي يْوَكّلو سيدو على ناسو باش يَعطيلهُم حَقهُم مْتاع الماكلة فالوَقت؟

إِنْجِيلُ لُوقَا 5:1

كان الغاشي يَتزادَم على يَسوع باش يَسمَع كَلمة الله، وكان هُوَ واقَف عَند واد جَنّيسارَت،

إِنْجِيلُ لُوقَا 8:11

هاد المْتَل يَعني: الزَرّيعة هِيَ كْلام الله،

أَعْمَالُ ٱلرُّسُلِ 13:46

بولَس وبَرنابا قالولهُم عيناني: "أنتومَ الأوّلين اللي كان لازَم يَتبَرَّحَّلكُم بكَلمة الله، بَصَّح كي دَفَّعتوها وحْكَمتو باللي ما تَستاهلوش الحْياة الدايمة، رانا نْدورو للي ماشي يهْود،

أَعْمَالُ ٱلرُّسُلِ 14:23

حَدّدولهُم في كُل كَنيسة شْيوخ، وبَعد ما صَلاّو وصامو خَلاّوهُم في يَد الرَب اللي آمنو بيه.

أَعْمَالُ ٱلرُّسُلِ 4:31

وكي صَلاّو، تْزَعزَع المْكان اللي كانو مَتلَمّين فيه وتَعَمّرو كامَل بالروح القُدّوس وكانو يَهَّدرو بكْلام الله وهومَ واتقين.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 10:17

هِمّالا، الإيمان يْجي بالبْشارة والبْشارة بكَلمة الله.

لرسالة الأولى إلى أهل كورنثوس 10:13

من جْميع تَجرُبة جاتكُم تَقدَر تْجي لكُل بْنادَم، بَصَّح تيقو فالله اللي ما يْخَلّي حَتّى تَجرُبة تْجيكُم تْكون فوق طاقَتكُم، ومع كُل تَجرُبة يَعطي الحَل والقُدرة باش تَحَّملو.

لرسالة الأولى إلى أهل كورنثوس 11:1

ديرو بْحالي كيما أنا نْدير بْحال المَسيح.

لرسالة الأولى إلى أهل كورنثوس 4:16

نْسَجَّعكُم هِمّالا تْديرو بحالي،

رِسَالَةُ بُولُسَ ٱلرَّسُولِ إِلَى أَهْلِ فِيلِبِّي 3:17

ديرو كيما أنايَ كامَل يا الخاوة وحَطّو بالكُم على اللي راهُم يَمشيو في سيرَتنا،

تسالونيكي الأولى 1:6

ووَلّيتو تْديرو بحالنا حْنا والرَب على حْساب اللي قْبَلتو كَلمة الله فالشَدّة الكْبيرة بالفَرح مْتاع الروح القُدّوس،

تسالونيكي الأولى 2:13

وعلى هَدا تاني، نَشُّكرو الله دايمًا اللي كي سْمَعتو منّا كْلام الله، قْبَلتوه ماشي كي اللي كْلام بْني آدَم، قْبَلتوه كيما هُوَ مْتاع الصَح، كْلام الله اللي راهو تاني يَخدَم فيكُم أنتومَ المومنين،

تسالونيكي الثانية 3:7

أنتومَ تَعَّرفو كيفاش لازَم تْعاندونا، خاطَر ما كانَتش عَندنا حْياة مْتاع هَملة كي كُنّا مْعاكُم،

تسالونيكي الثانية 3:9

ماشي خاطَر ماكانش عَندنا الحَق في هاد الشي، بَصَّح باش نَعطيولكُم فينا مْتَل تْتَبّعوه.

رِسَالَةُ بُولُسَ ٱلرَّسُولِ ٱلْأُولَى إِلَى تِيمُوتَاوُسَ 3:5

خاطَر، وَلاّ واحَد ما عْرَفش يْسَيَّر دارو، كيفاش يَنتهَلاّ في كَنيسة الله،

اَلرِّسَالَةُ إِلَى ٱلْعِبْرَانِيِّينَ 13:17

طيعو ڤُوّادكُم وخودولهُم الراي، خاطَر هومَ اللي يْعَسّو على نْفوسكُم على حْساب اللي يَتحاسبو عليكُم، باش يْديرو هاد الشي بالفَرحة وماشي وهومَ يَشتكيو، هاد الشي ماشي في فايدَتكُم.

اَلرِّسَالَةُ إِلَى ٱلْعِبْرَانِيِّينَ 13:24

سَلّمو على كامَل ڤُوّادكُم وكامَل القَدّيسين، ناس الطاليان يْسَلّمو عليكُم.

اَلرِّسَالَةُ إِلَى ٱلْعِبْرَانِيِّينَ 6:12

باش ما تْوَلّيوش كَسلانين. بالعَكس، تْديرو كيما اللي بالإيمان والصْبَر يَوَّرتو الوْعود.

رِسَالَةُ بُطْرُسَ ٱلرَّسُولِ ٱلْأُولَى 4:11

اللي يَهدَر، يْكون كْلامو كي كْلام الله، اللي يَخدَم، كي اللي يَخدَم بالقُوّة اللي نالها من الله، باش في كُل شي، يَتسَبَّح الله بيَسوع المَسيح، اللي ليه المَجد والسَلطان للدْوام.

رُؤْيَا يُوحَنَّا ٱللَّاهُوتِيِّ 1:9

أنا يوحَنّا، خوكُم وشْريككُم فالتَجرُبة والمَلَكوت والصْبَر في يَسوع. كُنت فالجَزيرة اللي يْسَمّيوها بَطمُس علي جال كَلمة الله وشْهادة يَسوع.

رُؤْيَا يُوحَنَّا ٱللَّاهُوتِيِّ 20:4

وشَفت عْروش، قَعدو عليهُم نْفوس اللي نْدَبحو بالشاقور على جال شْهادة يَسوع وعلى جال كْلام الله، واللي ما سَجدوش قُدّام الهايشة وَلا قُدّام تَصويرتها، واللي ما نالوش الشامة على جْبينهُم وعلى يَدهّم، وأتَّعطالهُم الحُكم وعاشو ومَلكو مع المَسيح مُدّة أَلف عام.

رُؤْيَا يُوحَنَّا ٱللَّاهُوتِيِّ 6:9

كي حَل الخاتَم الخامَس، شَفت تَحت المَدبَح نْفوس اللي نْدَبحو على جال كَلمة الله وعلى جال الشْهادة اللي حَفضوها.