رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 6:17 - العهد الجديد باللهجة الجزائرية

¹⁷ أدّيو كاسك السْلاك، وسيف الروح اللي هُوَ كَلمة الله،

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 6:17 ပူးပေါင်းရင်းမြစ်များ

إِنْجِيلُ مَتَّى 4:4

جاوبو يَسوع: "مَكتوب: "الإِنسان ما يْعيشش بالخُبز بَرك، بَصَّح بكُل كَلمة تُخرَج مَن فُم الله.""

إِنْجِيلُ مَتَّى 4:7

قاللو يَسوع: "مَكتوب تاني: "ما تْجَرَّبَش الرَب إِلَهَك""

رِسَالَةُ بُولُسَ ٱلرَّسُولِ إِلَى أَهْلِ أَفَسُسَ 5:26

باش يْقَدَّسها ويْطَهَّرها بمَعمودِيّة الما وبالكَلمة،

تسالونيكي الأولى 5:8

بَصَّح حْنا، صْحاب النْهار، لازَم نَبقاو صاحيين، لابسين دَرع الإيمان والمْحَبّة وعَندنا كاسك الرْجا فالسْلاك،

اَلرِّسَالَةُ إِلَى ٱلْعِبْرَانِيِّينَ 4:12

خاطَر كْلام الله حَي، ويَخدَم، قاطَع كْتَر من كُل سيف مْتاع زوج مْواس، يَفصَل حَتّى بين النَفس والروح، المْفاصَل ومُخ العْضَم، ويْمَيَّز تَخمام ونِيّة القَلب.

اَلرِّسَالَةُ إِلَى ٱلْعِبْرَانِيِّينَ 6:5

وسْتبَنّو كَلمة الله المْليحة، وقُوّات الزْمان الجاي،

رُؤْيَا يُوحَنَّا ٱللَّاهُوتِيِّ 1:16

عَندو في يَدّو اليْمنى سَبع نْجوم، وخارَج من فَمّو سيف قاطَع من زوج جْوايَه، ووَجهو يَبرَق كي الشَمس في قُوَّتها.

رُؤْيَا يُوحَنَّا ٱللَّاهُوتِيِّ 12:11

وهومَ غَلبوه بدَم الخْروف وبكَلمة شْهادَتهُم، وما حَبّوش نَفسهُم لحَد الخوف من الموت.

رُؤْيَا يُوحَنَّا ٱللَّاهُوتِيِّ 19:15

ومن فَمّو كان يُخرَج سيف قاطَع، باش يَضرَب بيه الأُمّات، ويَرعاهُم بعْصا مْتاع الحْديد، وهُوَ يَعفَس في مَعصرة شْراب الزْعاف الكْبير مْتاع الله القادَر.

رُؤْيَا يُوحَنَّا ٱللَّاهُوتِيِّ 2:16

توب وَلاّ نْجي ليك بالخَف ونْحاربهُم بالسيف مْتاع فُمّي".