أَعْمَالُ ٱلرُّسُلِ 8:1 - العهد الجديد باللهجة الجزائرية

¹ شاوَل كان راضي على قْتيلتو. وصْرات في هَداك الزْمان حُڤرة كْبيرة ضَدّ كَنيسة أورشَليم وكامَل من غير الرُسُل تْزَربعو فاليَهوديّة والسامرة.

أَعْمَالُ ٱلرُّسُلِ 8:1 ပူးပေါင်းရင်းမြစ်များ

إِنْجِيلُ مَتَّى 22:6

والباقيين حَكمو الخَدّامين مْتاع السَلطان، هانوهُم وقَتلوهُم.

إِنْجِيلُ مَتَّى 23:34

على هَدا، راني نَبعَتَّلكُم أَنبيا وحُكَما وكُتّاب، كايَن اللي تَقُّتلوهُم وتَصَّلبوهُم وكايَن اللي تَجَّلدوهُم في مْجامَعكُم، تَشَّحنو عليهُم وتْتَبّعوهُم من مْدينة لمْدينة.

إِنْجِيلُ مَتَّى 5:13

أَنتومَ المَلح مْتاع الأَرض، لو كان المَلح يْوَلّي بلا بَنّة، باش يَتمَلَّح؟ ما يْزيد يَصلَح لحَتّى شي، غير يَتَّرما بَرّا ويَعَّفسوه الناس.

إِنْجِيلُ يُوحَنَّا 15:20

أتفَكّرو الكْلام اللي قُلتهولكُم، الخَدّام ماشي كْبير على سيدو. وَلاّ شَحنو علِيَّ، أنتومَ تاني يَشَّحنو عليكُم، وَلاّ طاعو كْلامي، يْطيعو كْلامكُم،

إِنْجِيلُ يُوحَنَّا 16:2

ماشي بَرك يْحاوزوكُم من المْجامَع، تْجي الساعة وين اللي يَقتَلكُم يَحسَبها عْبادة لله،

أَعْمَالُ ٱلرُّسُلِ 1:8

بَصَّح رايحين تْنالو قُدرة كي يْجي عليكُم الروح القُدّوس، وتْكونو شْهودي في أورشَليم وفي كامَل اليَهوديّة والسامِرة وحَتّى لطَرف الدَنيا".

أَعْمَالُ ٱلرُّسُلِ 13:1

كان فالكَنيسة في أنطاكية أَنبيا ورْجال يْعَلّمو: بَرنابا وسَمعان اللي يْسَمّيوَه الأَكحَل ولوكيوس القيرواني ومَنايَن اللي تْرَبّا مع هيرودَس رايَس الرُبع وشاوَل.

أَعْمَالُ ٱلرُّسُلِ 13:36

خاطَر داوَد، بَعد ما خْدَم مُراد الله في وَقتو، رْقَد ولْحَق جْدودو وفَسدَت داتو،

أَعْمَالُ ٱلرُّسُلِ 2:47

يْسَبحو الله والشَعب كامَل راضي عليهُم. الرَب كان كُل يوم يْزيد للكَنيسة اللي كانو يَسَّلكو.

أَعْمَالُ ٱلرُّسُلِ 22:20

وكي سال دَم سْتِفانوس الشَهيد مْتاعك، كُنت أنا واقَف وراضي على قْتيلتو وعَسّيت الحْوايَج مْتاع اللي قَتلوه"،

أَعْمَالُ ٱلرُّسُلِ 26:10

وهَدا واش دَرت في أورشَليم، رْميت فالحَبس بَزّاف من القَدّيسين كي جَبت التَسريح من عَند رْجال الدين اللي يَعطيني الحَق في هاد الشي، وكي كانو يَحَّكمو عليهُم باللي يَقٌّتلوهُم، كُنت أنا نَدعَم هاد الشي.

أَعْمَالُ ٱلرُّسُلِ 5:18

وحَكمو الرُسُل ورْماوهُم في حَبس الحُكومة.

أَعْمَالُ ٱلرُّسُلِ 5:20

"روحو، أَوَّقفو وأَهَّدرو للشَعب فالمَعبَد كامَل كْلام هاد الحْياة."

أَعْمَالُ ٱلرُّسُلِ 5:33

كي سَمعو هاد الكْلام، تْغَششو وحَبّو يَقُّتلوهُم،

أَعْمَالُ ٱلرُّسُلِ 5:40

وعَيّطو للرُسُل، جَلدوهُم ومَنعوهُم يْزيدو يَهَّدرو بآسَم يَسوع وطَلقوهُم.

أَعْمَالُ ٱلرُّسُلِ 7:38

هُوَ اللي كان فالجْماعة فالصَحرا مع المْلاك اللي كان يْكَلّمو في جْبَل سينا ومع جْدودنا، هُوَ اللي جاب كْلام حَي باش يَعطيهولنا،

أَعْمَالُ ٱلرُّسُلِ 7:54

كي سَمعو هاد الشي، تْغَزّلو وبْداو يْغَزّو في سْنانهُم عليه.

أَعْمَالُ ٱلرُّسُلِ 7:58

وكَركروه لخارَج المْدينة ورَجموه، والشْهود حَطّو حْوايَجهُم عَند رَجلين واحَد الراجَل واسمو شاوَل،

أَعْمَالُ ٱلرُّسُلِ 8:14

كي سَمعو الرُسُل في أورشَليم باللي ناس السامرة قَبلو الكَلمة، بَعتولهُم بُطرُس ويوحَنّا.

أَعْمَالُ ٱلرُّسُلِ 8:2

ناس تاقيين دَفنو سْتِفانوس ودارو عليه مْنوحة كْبيرة،

أَعْمَالُ ٱلرُّسُلِ 8:4

وهَدوك اللي تْزَربعو، كانو يْروحو من مَضرَب لمَضرَب وهومَ يْبَشّرو بالكَلمة،

أَعْمَالُ ٱلرُّسُلِ 8:5

وهْبَط فيلِبُّس لواحَد المْدينة فالسامرة وكان يْبَشَّر بالمَسيح،

أَعْمَالُ ٱلرُّسُلِ 9:31

كانَت الكَنيسة هانية في كامَل اليَهوديّة والجْليل والسامرة، وكانَت تَتبَت وتَمشي فالخوف مْتاع الرَب وتَكتَر بمْعاونة الروح القُدّوس.

رِسَالَةُ بُولُسَ ٱلرَّسُولِ إِلَى أَهْلِ رُومِيَةَ 1:32

والو يَعَّرفو باللي الله حْكَم بالموت على اللي يْديرو كيما هاد الفْعال، ماشي بَرك يْديروهُم، يْزيدو يَعطيو الحَق للي يْديروهُم.

رِسَالَةُ بُولُسَ ٱلرَّسُولِ إِلَى أَهْلِ فِيلِبِّي 1:12

راني حابكُم تَعَّرفو يا الخاوة باللي على جال واش صْرالي زاد شاع الإنجيل،

اَلرِّسَالَةُ إِلَى ٱلْعِبْرَانِيِّينَ 11:27

بالإيمان اللي خْرَج موسى من مَصر وما خافش من زْعاف السَلطان وحْمَل وهُوَ صابَر على جال الشي المَخفي اللي كان شايفو،