أَعْمَالُ ٱلرُّسُلِ 3:20 - العهد الجديد باللهجة الجزائرية

²⁰ باش يْجيو وْقات وين يْفَرَّج الرَب من عَندو، ويَبعَت يَسوع المَسيح اللي خَيَّرهولكُم من قْبَل،

أَعْمَالُ ٱلرُّسُلِ 3:20 ပူးပေါင်းရင်းမြစ်များ

إِنْجِيلُ مَتَّى 16:27

خاطَر بْن الإنسان رايَح يْجي في مَجد باباه مع المَلايكة مْتاعو، وداك الوَقت يْجازي كُل واحَد على حْساب فْعالو.

إِنْجِيلُ مَتَّى 24:3

وكي كان قاعَد على جْبَل الزيتون، جاو ليه التابعين مْتاعو وقالولو على جيه: "قولَلنا، وَقتاش يَصرا هاد الشي، وواشَن هيَ المارة مْتاع رْجوعَك وآخَر الزْمان؟"

إِنْجِيلُ مَرْقُسَ 13:26

وداك الساع يْشوفو بْن الإِنسان جاي فالسْحابات بقُدرة كْبيرة ومَجد.

إِنْجِيلُ لُوقَا 19:11

كي سَمعو هاد الشي، زاد قالَلهُم مْتَل خاطَر كان قْريب لأورشَليم وكانو حاسبين باللي مَلَكوت الله دُرك يَضهَر.

إِنْجِيلُ لُوقَا 21:27

داك الوَقت، يْشوفو بْن الإنسان جاي فوق سْحابة بقُوّة وهيبة كْبيرة.

أَعْمَالُ ٱلرُّسُلِ 17:31

خاطَر حَدَّد يوم وين عَوَّل يْحاكَم الدَنيا بالحَق، بالراجَل اللي خَيّرو، واللي عْطا عليه البَرهان للجْميع كي حْياه من الموت".

أَعْمَالُ ٱلرُّسُلِ 3:19

هِمّالا توبو وأَرَّجعو باش يَتَّمحاو دْنوبكُم،

أَعْمَالُ ٱلرُّسُلِ 3:21

واللي لازَم يَبقا فالسْما حَتّى للوَقت اللي يَتسَڤَّم فيه كُل شي كيما قال الله من زْمان بفُم الأنبيا مْتاعو القَدّيسين.

تسالونيكي الثانية 2:2

باش ما تَدَّبدبوش في عْقَلكُم بالخَف، وما تْخافو لا من روح، لا من كَلمة، لا من بْرِيّة زَعمة جايّة من عَندنا، كي شْغُل خْلاص جا يوم الرَب.

تسالونيكي الثانية 2:8

داك الساع، يَضهَر المَشرار اللي يَقضي عليه الرَب يَسوع بنَسفة من فَمُّو، ويَفنيه وهُوَ ضاهَر فالمْجي مْتاعو.

اَلرِّسَالَةُ إِلَى ٱلْعِبْرَانِيِّينَ 9:28

هَكدا المَسيح تاني، بَعد ما ضَحّا مَرّة واحدة باش يَرفَد دْنوب ناس بَزّاف، رايَح يْجي مَرّة أخرى بلا دْنوب لسْلاك اللي راهُم يَستَنّاو فيه.

رُؤْيَا يُوحَنَّا ٱللَّاهُوتِيِّ 1:7

هاو جاي مع السْحاب، كُل عين تْشوفو حَتّى اللي تَقبوه، ويْنوحو عليه كامَل قْبايَل الأرض. إيه، آمين.