أَعْمَالُ ٱلرُّسُلِ 15:23 - العهد الجديد باللهجة الجزائرية

²³ وعْطاوَلهُم هاد البْرِيّة: "من الرُسُل والشْيوخ والخاوة، للخاوة المومنين من غير اليْهود في أنطاكية وسورية وكيليكِيّة، سَلام،

أَعْمَالُ ٱلرُّسُلِ 15:23 ပူးပေါင်းရင်းမြစ်များ

إِنْجِيلُ مَتَّى 4:24

وْصَل خَبرو لكامَل سورِية، وجابولو كامَل المَرضى اللي عَندهُم مَرض وَلاّ وْجاع مَن كُل نوع، المَسكونين، واللي عَندهُم الصْريع والمَشلولين وشفاهُم.

أَعْمَالُ ٱلرُّسُلِ 11:18

كي سَمعو هاد الكْلام، سَكتو وعَضّمو الله وقالو: "هِمّالا الله وْهَب التوبة للي ماشي يْهود تاني باش تْكونَلهُم الحْياة".

أَعْمَالُ ٱلرُّسُلِ 11:20

بَصَّح كان كايَن منهُم شي ناس، رْجال قُبرصِيّين وقيروانِيّين اللي كي جاو لأنطاكِية، كانو يَهَّدرو لليونانِيّين ويْبَشّرو بالرَب يَسوع،

أَعْمَالُ ٱلرُّسُلِ 14:27

كي وَصلو، لَمّو الكَنيسة وحْكاو كامَل واش دار الله معاهُم وباللي حَل باب الإيمان للي ماشي يْهود،

أَعْمَالُ ٱلرُّسُلِ 15:1

هَبطو ناس من اليَهوديّة وبْداو يْعَلّمو فالخاوة باللي لو كان ما تْتخَتّنوش على حْساب عادة موسى ما تَقَّدروش تَسَّلكو.

أَعْمَالُ ٱلرُّسُلِ 15:2

كي تْحاكمو معاهُم بولَس وبَرنابا وصْرات شَقلالة كْبيرة بيناتهُم، شافو باللي بولَس وبَرنابا وناس واحَدُخرين مَنهُم يَطَّلعو للرُسُل والشْيوخ في أورشَليم على هاد الآمَر.

أَعْمَالُ ٱلرُّسُلِ 15:22

داك الوَقت، شافو الرُسُل والشْيوخ مع كامَل الكَنيسة باش يْخَيّرو رْجال مَنهُم ويَبَّعتوهُم لأنطاكية مع بولَس وبَرنابا وخَيّرو يَهودا اللي يْسَمّيوَه بَرسابا وسيلا وهاد الزوج كان شانهُم كْبير عَند الخاوة،

أَعْمَالُ ٱلرُّسُلِ 15:4

وكي وَصلو لأورشَليم، لاقاتهُم الكَنيسة والرُسُل والشْيوخ وخَبّروهُم بولَس وبَرنابا بكامَل واش دار الله مْعاهُم.

أَعْمَالُ ٱلرُّسُلِ 15:41

وجاز على سورية وكيليكِيّة يْقَوّي الكْنايَس.

أَعْمَالُ ٱلرُّسُلِ 18:18

بْقا بولَس يامات بَزّاف، أومبَعد وَدَّع الخاوة وقْطَع البْحَر لسورِيّة ومعاه بْريسكِلاّ وأكيلا بَعدما حَفَّف شَعرو كامَل في كَنخَريا خاطَر كان دار عَهَد.

أَعْمَالُ ٱلرُّسُلِ 21:25

ومن جيهة، اللي ماشي يْهود اللي آمنو، رانا بْعَتنالهُم حْنايا بْريّة بالشي اللي حْكَمنا بيه: ما يَتدَنّاوش للْحَم المَدبوح للأصنام والدَم والجيفة والفَسق."

أَعْمَالُ ٱلرُّسُلِ 21:3

بانَتَلنا قُبرُص، وخَلّيناها على اليسرى وكَمَّلنا طْريقنا لسورِيّة وحَبَّسنا صور خاطَر تَمّة اللي البابور يْفَرَّغ السَلعة مْتاعو.

أَعْمَالُ ٱلرُّسُلِ 23:26

"كْلوديوس ليسياس للعْزيز فيلِكس الوالي، سَلام:

أَعْمَالُ ٱلرُّسُلِ 6:9

ناضو شي ناس من المَجمَع اللي يْقولولو مَجمَع الحْرار والقيروانِيّين والسْكَندرِيّين واللي من كيليكِيّا وآسيّا وبْداو يَتناقشو مع سْتِفانوس،

رِسَالَةُ بُولُسَ ٱلرَّسُولِ إِلَى أَهْلِ غَلَاطِيَّةَ 1:21

أومبَعد، رُحت لَجْوايَه سورِيّة وكيليكِيّة،

رِسَالَةُ يَعْقُوبَ 1:1

يَعقوب عَبد الله والرَب يَسوع المَسيح، سْلام للعْشايَر الطْناش المَتشَتتين.

رِسَالَةُ يُوحَنَّا ٱلرَّسُولِ ٱلتَّانِيَةُ 1:10

لو كان واحَد يْجي لعَندكُم وما يْجيبش هاد التَعليم، ما تَقَّبلوهش في داركُم وما تْسَلّموش عليه،

رِسَالَةُ يُوحَنَّا ٱلرَّسُولِ ٱلتَّانِيَةُ 1:13

يْسَلّمو عليك وْلاد أختَك المُختارة.

رِسَالَةُ يُوحَنَّا ٱلرَّسُولِ ٱلتَّانِيَةُ 1:3

نَعمة تْكون معانا، ورَحمة وهْنا من عَند الله الآب ومن عَند يَسوع المَسيح إبن الآب فالحَق والمْحَبّة.

رِسَالَةُ يُوحَنَّا ٱلرَّسُولِ ٱلتَّالِتَةُ 1:14

نَتمَنّا قْريب نْشوفَك ونَهَّدرو فُم لفُم.