أَعْمَالُ ٱلرُّسُلِ 13:4 - العهد الجديد باللهجة الجزائرية

⁴ هومَ، كي بْعَتهُم الروح القُدّوس، هَبطو لسُلوكِيّة ومن تَم قَطعو البْحَر لقُبرُص.

أَعْمَالُ ٱلرُّسُلِ 13:4 ပူးပေါင်းရင်းမြစ်များ

أَعْمَالُ ٱلرُّسُلِ 11:19

اللي تْزَربعو على جال المَحنة اللي صْرات بسْباب سْتِفانوس، راحو حَتّى لفينيقِيّة وقُبرُص وأنطاكية وما كانو يهَّدرو بالكَلمة لحَتّى واحَد من غير اليْهود.

أَعْمَالُ ٱلرُّسُلِ 13:2

وكي كانو يَخَّدمو فالرَب ويْصومو قال الروح القُدّوس: "حَطّولي بجيهة بَرنابا وشاوَل للخَدمة اللي عَيَّطتَلهُم عليها".

أَعْمَالُ ٱلرُّسُلِ 13:3

داك الوَقت، صامو وصَلاّو ودارو يَدّيهُم عليهُم أومبَعد طَلقوهُم يْروحو.

أَعْمَالُ ٱلرُّسُلِ 15:36

بَعد يامات، قال بولَس لبَرنابا: "هَيّا نْوَلّيو ونْفاقدو خاوَتنا في كُل مْدينة بَشَّرنا فيها بكَلمة الرَب، نْشوفو كيفاش راهُم."

أَعْمَالُ ٱلرُّسُلِ 20:23

بَصَّح الروح القُدّوس، يَشهَدلي في كُل مْدينة ويْقول الحَبس والمْحايَن راهُم يَستَنّاو فِيَّ.

أَعْمَالُ ٱلرُّسُلِ 27:4

من تَم، قَلَّعنا وجَزنا على شَط قُبرُص خاطَر الريح كان يْجي مْعاكَس لينا،

أَعْمَالُ ٱلرُّسُلِ 4:36

ويوسَف اللي سَمّاوَه الرُسُل بَرنابا ومَعنَتها "وْليد العْزا" لاوي من قُبرُص،